Popular Bible Verses from EPETUT 4

Share

Mbo punuk, kinom nabuwa-kabuwa mba'nuk, kiniki yanggonak paga obeelom eeppiigo logonet, Keritut eereegerak nogo paga Ala nen kit kinomaluk lek eerogo pereegerak nogo ndak-ndak, kit-kit aret maluk eekkologomonggotak nogo, mari eerogo mbo pogo logonip o.

Eerit nogo logonet, kiniki tebe yinuk yonggorogon eeppiigwi, kiniki aanaganggenggwi lek nabuwa-kabuwa mbako logonet, yeenggwa-yeenggwa eekwi, Aberiniki nen kiniki ambit lambumbinagareegerak nogo

Wone maluk mendek kinambe paga nen wumbi woroorak ti mage o. Ata, it konenggwi nogo nen, ”Ninabuwa nen yo'nirogwe iigo o,” yuwak nduk, aaninggin ambi inoba age kenok, obeelom eeppiyoorak kenok mban yogo logonip o.

Kinoreewi kinom ogoorak logonet, neebi-keebi yogwe, nanini-kanini yogwe, wone wakwi, miyuk-meya eerogo piigwi, kinoreewi maluk eeppiigo monggotak nogo mendek abok aret mbo pogo logonip o.

Kiniki aagi eekkinake logonet, kinanini nen maluk eeriyak ti mage o. Ndi, kinanini wungge kagak oonegen kilu yi noorak ti mage mban. Ibilit nen, ”Nanonggwan aga o,” yinuk, kiniki nggagangginake kero, maluk mbuuluk kinikime tebembunuk logogup o.

”Niniki nengge kenok mugurok nogo nogoorak nogo ti, obeelom ee'ninaburak nduk, mugurok nogo logolik o. Ata, maluk ee'ninaburak kagak mugurok nogo nogoorak kogo,” yinuk, mamunggologogutak me, kinobaabut maan mendek nogo, nggonenogo mbo punuk, kiniki ngget ogobakkigikkinabuwak nduk, Ala oone mban mugurok nogo logonip o. Kit nen kinobaabut koonogo obeelom eekkologo logobagip nduk, yokkirage lek o. Ata, Ala maluk eekeelik obaabut abu obeelom menggerak nogo kokwak, kit nogo ndak-ndak kinobaabut mondok ngget mendek eerogo pinagawak nduk, yokkiragi o.

kinom ogookkologwe kiyo, liippunuk wonogwe, eeko logonip o.

Ndi, ninalitik-ninalitak unde eeppinaneegerak nogo ti, it ando nappiigak logowak nduk mippiige, ando Ala nen yorage kagak yorogo logowak nduk mippiige, ando obeelom wone yi awi ndi awi ambime yoragak nogo logowak nduk mippiige, ando o ambit me Ala apuri liirogon unde logowak nduk, nggembala mippiige, ando Ala wone mamunirogo logowak nduk mippiige, eereegerak. Ti eereegerak nogo ti, nit Ala eyabu liirogon eerit nogo logonet, nit nineebe paga Keritut eebe mondok nggwok wigak yuwak nduk, nit abet mbareegurak Ala apuri nogo, abok aret mondok li'lak eerogo pinaneegerak. Ti eeppinaneegerak nogo ti, nit abok aret Ala aput eeke menggerak abet aret nineenu ogo logomonggoorik, abet mbakwi paga niniki ambit a'nuk, Keritut iniki mondok koleewak obeelom wonage nogo kokwak, nit togop aret niniki kole eeppinanit wundi wage logowak nduk, unde eeppinaneegerak.

Togop me, noreewi o. Yi kilaarak-mogonik eeke logonet, yi mendek ndi mendek piyanogo nippege, o wiya nen yi mendek ndi mendek wonok nage, eeke menggerak nogo kokwak, it aakumi pilit wone yogo menggaarak nogo nen, aakumi inambo'me laganuwok nduk, iniki koombunuk nomoniren nogo menggaarak inoone agan nugwi nogo, wologwe negen logonet konenggo mengga kwak, nit niniki kole ogwe niinok, konenggo logogun lek o. Ata, nit aakumi inabuwa mba'nuk, Ala ari menggerak wone nogo mban yorogo logonet, ninanobak kwak ninowe Keritut iniki abu koleewak minggi kwak, nit togop aret niniki kole ee'ninabuwak nduk, eerit nogo logowok o.