Popular Bible Verses from Jakobe 3

Share

Kanilezi a wutlhari legi gi tako hi le hehla, a kusangula gi basile, kambe gi na ni kurula, gi nene, ga ingisa, gi tele hi wuxinji ni mihanzu yo saseka, a gi na kukanakana ni kuxengetela.

Himani a tlharihileko a tivako xikari ka nwina ke? Ngha a kombisa a mitiro yakwe hi mahanyela yakwe yo saseka na hi ni kurula ka wutlhari.

A mihanzu ya kululama yi byaliwa kuruleni hi vona lava va mahako kurula.

Hakuva laha ku nga ni xiluse ni kuhambana, hi kona ku nga ni pfilupfilu ni mitiro yontlhe ya kubiha.

Ha khesa ha lona a Hosi ni Dadani; kambe hi rukatela ha lona vanhu lava va mahilweko hi mufananiso wa Nungungulu. Ku huma hi ka nomu walowo wa munwe a kukhesa ni kurukatela. Vamakabye va mina, a zi faneli a kuva lezi zilo zi hi nghaho.

Na lona lirimi i nzilo; a lirimi i tiko ga kubiha xikari ka ziro za hina; li nyenyezisa a miri wontihe, li dzivela a ndlela yontlhe ya kuhanya ka hina, lona wutsumbu li dzivelwa hi nzilo wa Gehena.

kanilezi a lirimi, a ku na munhu a li kotako; xilo xa kubiha xi nga hluliwiko, li tele hi wutsulu gi dayako.

Vamakabye va mina, a linyingi la nwina ngha mu nga xuvi a kuva vagonzisi, na mu tiva lezaku hina lava hi nga vagonzisi hi ta amukela a kulamulwa ka hombe.