Popular Bible Verses from Maheberu 11

Share

Makunu a kukholwa hi kona ku tiyisako hi zilo lezi zi languteliwako, a xikholwiso xa zilo zi nga woniwiko. Hakuva a vakale va lo mahelwa a wukustumunyu gi nene ha kona.

Kanilezi ahandle ka kukholwa a zi koteki ku mu tsakisa; hakuva loyi a tshinelako ka Nungungulu i yimelwe hi ku kholwa lezaku ku kona Nungungulu, ni lezaku yena wa chachazela lava va mu lavako.

Hi kukholwa ha pima lezaku a misava yi lo vangiwa hi gezu ga Nungungulu, lezaku lezi zi woniwako zi mahilwe hi zilo zi nga wonekiko.

Hi kukholwa Abrahama i lo ingisa laha a nga vitanwa, a suka aya tikweni lego a ta nga ya nyikwa gona giva tshomba yakwe: i lo rura na a nga ku tivi laha a yako kona. Hi kukholwa i lo maha muluveli tikweni ga xitsumbiso, a ku khwatsi i tiko ga vambe; a tshama lomu matendeni zinwe na Isaka na Jakobe, va nga ziga-tshomba zinwe naye ya xitsumbiso lexo.

Hi kukholwa Noa na a byelilwe hi Nungungulu hi zilo zi nga kala zi nga se woniwa, i lo ingisa, a aka a taru kasi ku hanyisa a nghamu yakwe; hi ku maha lezo i lo kona a tiko, a maha xiga-tshomba ya kululama loku ku nga ka kukholwa.

Hi kukholwa Enoki i lo tekiwa, kasi a nga woni kufa; a nga kumiwangi hakuva i wa tekilwe hi Nungungulu. Hakuva na a nga se ku tekiwa i wa mahelwe wukustumunyu lezaku i wa tsakisile Nungungulu.

Hi kukholwa Abeli i lo nyikela ka Nungungulu a muphahlelo wu nene ku hunza lowu wa Kana, lowu a nga mahelwa wukustumunyu ha wona lezaku i lulamile; Nungungulu wutsumbu i lo maha wukustumunyu hi kota ya minyikelo yakwe; hi kukholwa loko wa ha wulawula hambu lezi a fileko.

Hi kukholwa Sara i lo kuma ntamu wa ku xura nyimba, hambu lezi a xikhati xakwe xi nga hunzile, hilezi i lo alakanya aku i tsumbekile loyi a nga mu tsumbisa.

Hakuva yena i lo cuwukela a muti lowu wu nga ni ziseketelo, lowu Nungungulu a nga muaki ni mumahi wa wona.

Hi kukholwa Mosi loku a kulile, i lo ala ku vitanwa aku i nʼwana nwaFaro; a ti hlawutela a kuva a xaniswa Zinwe ni vanhu va Nungungulu, ku hunza kuva ni litsako la kuonha ka xikhatanyana. I lo alakanya lezaku a kurukwa ka Kristu i pfuno wa hombe ku hunza a kufuma ka le Gipite; hakuva i wa langutela a nchachazelo. Hi kukholwa i lo suka le Gipite, na a nga chavi a zanga ya hosi; hakuva i lo timisela aku khwatsi hi loku a mu wona loyi a nga woniwiko.

Hi kukholwa Abrahama i lo phahlela ha Isaka a siku a nga ringiwa; ina, loyi a amukeleko a zitsumhiso i lo nyikela a nʼwana wakwe a belekilweko yece

Hi kukholwa Rahabi a xibhayi a nga fangi zinwe ni lava va nga ingisangiko, hilezi a nga amukela a tihloli hi kurula.

Hi kukholwa va lo tsemakanya a Bimbi go Pswhuka kota lomu misaveni yi womileko; kanilezi laha a vaGipite va nga ringa ku maha lezo va lo mhemba.

Hi kukholwa ku lowa a ligingisi la Jeriko, anzhako ka kuva na va li renzelekele a ntlhanu wa masiku ni mambiri.

Hi kukholwa i lo yimisa a pasika ni ku nwatsekelwa hi nkhata, lezaku kasi a mudayi wa matewula a nga henyi ya vaIsraeli.

Hi kukholwa Josefa na a hi kusuhani ni kufa, i lo wulawula hi kuhuma ka vanana va ka Israeli, a va lelela hi marambu yakwe.

Hi kukholwa Jakobe laha a nga kari afa, i lo katekisa a vana vambiri va Josefa, a khongela na a khegele hehla ka chetengelo wakwe.

Hi kukholwa Isaka i lo katekisela Jakobe na Esau hi zilo za ha tako.