Nyi di rana uwe PFHUMU Nungungulu, kheni:
“Uwe khuwe wuthavelo wangu;
khuwe thomba yangu tigoni nya vathu va vbanyago.

Nyi duse pasoni momu, gasi nyi rungudze lina lago;
nyi na randredwa khu vathu nya gululame,
wa gu nyi ninga makategwa.”

Avbo nyi vbelago tshivba,
uwe u ngu giti igyo nyi yelago gu gira.
Ndzilani nyi gimbilago,
va dembide milaphwi va nyi riya.

Nyi ngu khusa lito nyi womba huwa ga PFHUMU Nungungulu;
nyi ngu lombelela ga PFHUMU Nungungulu.

Yingisa gulila gwangu, nyi mwalo gambe tshivba;
nyi vbulugise ga avo va nyi tshanisago,
kholu va ngu nyi pala khu tshivba.

Popular Bible Verses from Dzindzimo 142

Free Reading Plans and Devotionals related to Dzindzimo 142