Popular Bible Verses from Dzindzimo 139

Share

Nyi ngu gu bonga kholu u nyi wumbide khu mawumbelo nya gusamadzise, mithumo yago yi ngu liwugisa, hefemulo wangu wu ngu dziti gwadi.

Nyi khedzise gwadi, uwe Nungungulu; nyi linge uti mapimo yangu; u wona mwendro nyi ngu gimbila khu ndzila nya guvivbe u nyi gimbidzisa khu ndzila nya gupindruge.

Khuwe u nga wumba mili wangu, u nyi sayisa ndrani ga mayi wangu.

Maho yago ma nyi wone, eni nyi si gu velegwi, ni matshigu nya guvbanye gwangu, ma lovidwe yatshavbo libhukuni gwago, ni limwedo basi nya ayo li si gu manegi.

PFHUMU Nungungulu, uwe u nyi holelede gwadi, olu u ngu nyiti.

Nyi naya hayi gasi gu khala hwindzo ni liphuvbo lago? Nyi na thavela hayi gasi nyi manega hwindzo ni khovbe yago?

U ngu nyi pima gukhuga ni guema, khu hwindzo u ngu yiti mipimiso yangu.

Nyi si gu tuli likana langu, uwe PFHUMU Nungungulu u ngu si pima esi nyi vbwetago gu ganela.

U ngu nyi wona nya gu bani nyi gimbila ni gu bani nyi lade, u ngu dziti dzindzila dzangu dzatshavbo.