Popular Bible Verses from Josuwa 6

Share

Khavbo avbo, PFHUMU Nungungulu a di embela Josuwa, khuye: Wona, nyi ningede mandzani gwago Jeriko, ni mufumeli waye gumogo ni dzindrena dzaye.

Gikhati yi wombwago khego khu gulaphisa, mupwa gudzungurula nya pundru, vathu vatshavbo gu vbwetega va gira ligwaha nya likhongolo ngudzu, likhokhola la lidhoropa li na thega vbavbatshi. Vathu va na bela dhoropani khu guvbiredza, moyo ni moyo a na hongola wulanga wu na manegago mbeli gwaye.

Khu guralo, indrani enu mwatshavbo vama mu somidego nyimbi mu ya randrela lidhoropa gumogo khu litshigu, mu randrela maphuvbo yatshavbo. Mu na gira isoso livbandre na limwedo matshigu.

Livbandre na vavili vaphasi nya mhamba va na thanga mbeli nya Ngasa nya Gidzumeledzwano, na va gu womba livbandre na mivili mipundru; khu litshigu nya livbandre na mavili, mu na dzundruluga lidhoropa livbandre na dzimbili dzinyondro, gumogo ni vaphasi nya mhamba na va gu womba mipundru.

Malimba ya Jeriko ma di segidwe, bwelo khavbo ma khotwa khu kotani nya guthave va na Israyeli, mwalo a nga bani a bela mwendro gu duga dhoropani.

Gikhati vaphasi nya mhamba va nga dzundrulugago livbandre na dzimbili dzinyondro na va gu womba mipundru, Josuwa a di embela vathu, khuye: “Huwatani, kholu PFHUMU Nungungulu a mi ningide lidhoropa!

Lidhoropa, gumogo ni satshavbo si guromo umo, si emisedwe gu khungumudwa hiso bhi; gu na vbuluga basi Rahabhi nya gibhayi gumogo ni vatshavbo va na gu bani vari nyumbani gwaye, kholu uye sihide vaholeleli hi nga bani hi va rumede.