Popular Bible Verses from Josuwa 1

Share

Gasi kha nya gu ruma, gani? Gukheni tiya longo ni gutimisela; u si thavi ambari guthuruga kholu PFHUMU Nungungulu wago, a na bani ari nago gwatshavbo umo u na gimbilago khumo.”

U nga garali khu gu ganela khu libhuku nya Nayo; aholu gu vbwetega wutshigu ni mihani u alakanyela, gasi u landrisa satshavbo iso si lovidwego umo; khavbo avbo, u na andra ndzilani gwago bwelo khavbo u dugelela.

U nga khali basi muthu nya tshivba ni gutimisela, gu vbwetega u dzi wonele u gira kha nga idzo wu rumago nayo watshavbo owu githumi gyangu Mosi gi gu leletedego; u nga tshuki u wu diga u ndreya, uya nyamudye mwendro nyambade, gasi sigiro sago si gu dugela gwadi ni evbini umo u na gimbilago khumo.

Matshigu yatshavbo nya guvbanye gwago mwalo a na tiyago gu ema mbeli gwago; kha nga idzo nyi giridego ga Mosi, nyi na gira gambe kharato avbo gwago; gima kha nyi na gu diga, ambari gu gu tshiya hwane.

Tiya longo u manega ni tshivba ni gutimisela, kholu khuwe u na thangelago vathu vava kala va bela ga litigo nyi sambanyidego gu ninga vababe vago.

Malangani yatshavbo gu gu gandredzedwago khu migondro yanu, nyi mi ningideni, kha nga idzo nyi tumbisidego ga Mosi.

“Githumi gyangu Mosi gi fude; khu guralo, khuga uwe u tshatuga tsongo wa Joridhani, uwe gumogo ni vathu vatshavbo vava, mu ya bela tigoni nyi ningidego sanana sa Israyeli.

Avbo a ngafago Mosi, githumi gya PFHUMU Nungungulu, PFHUMU Nungungulu a di ganela ga Josuwa, mwamana wa Nuni, githumi gya Mosi, khuye

Gukhugela giwulani ni Libhanoni kala tsongoni nya wukhongolo wa Ewufrate, litigo latshavbo la Vahiti kala yiphwa nya Yikhongolo ya Pfoladambo, wu na bani wuri uwo vbingano wanu.

Uye a na gu wugelago a yeyisa milayo yago, a na songwa. Khu guralo, tiya u si thavi gilo.”

“Vbindrani khu vbakari nya lizumbo mu leletela vathu, khenu: Dongiselani dzimbuva, kholu hwane nya matshigu mararu mu na tshatuga tsongo wa Joridhani, mu ya khozisa litigo eli PFHUMU Nungungulu wanu, a mi ningidego gu li fumela.”