Popular Bible Verses from Dhewuteronome 30

Share

Ndzadzi ni mafu somo muhuno kha nga dzifakazi dzangu, gukheni nyi vegide mbeli gwago guvbanya ni gufa, makategwa ni libango. Hatha guvbanya gasi u kodza gu mana guvbanya, uwe gumogo ni livelego lago. U na gola PFHUMU Nungungulu wago, U mu yingisa ni gu namarela avbo gwaye; kholu Uye khuye guvbanya gwago ni gulapha nya matshigu yago, gasi u fela guvbanya ga litigo eli PFHUMU Nungungulu a sambanyidego ga vababe vago, Abrahama, Isaki ni Jakobe.

Kharati nyi ngu gu ruma muhuno gukheni, haladza PFHUMU Nungungulu wago, u gimbila khu dzindzila dzaye, u vegisa milayo yaye, sileletelo saye ni wululamo waye. Kharato, u na andra. PFHUMU Nungungulu wago, a na gu kategisa ga litigo u na ya belago gasi u li fumela.

Wona, muhuno nyi ngu vega mbeli gwago womi ni wuwadi, gufa ni guvivba.

Kholu magana yaya momo ngudzu vbafuvbi gwago, kanani gwago ni monyoni gwago gasi u ma landrisa.

PFHUMU Nungungulu wago, a na vbindrugedza monyo wago ni monyo wa livelego lago, gasi u gole PFHUMU Nungungulu wago, khu monyo wago watshavbo ni hefemulo wago watshavbo, u kodze gu vbanya.

PFHUMU Nungungulu wago, a na gu fumisa, a gu kategisa mithumoni yatshavbo nya mandza yago, ni ya mahembeni gwago, ni ya umo nya sifuyo sago, ni mihandro ya mahangeni gwago, yi na tala ngudzu. PFHUMU Nungungulu a na bwelo khavbo a gu kategisa, a salala khuwe, kha nga idzo a kategisidego khidzo vababe vago.

Aholu, monyo wago wa gu ndreya, wu si yingisi, wu dzumela gu ndrindrwa wu ya khozela vambe vanungungulu ni gu va thumela, nyi ngu sambanya kamwe muhuno, kheni: U nafa, khu na vbanya matshigu nya gulaphe tigoni uyago umo, wa gu tshatuga tsongo wa Joridhani u ya li fumela.

Kholu Nayo yoyu, nyi gu ningago muhuno, kha wa sihala, wu mwalo hwindzo nago.

Gambe wu mwalo vbatshani ndzadzini, nya gukala u ganela, khuwe: Khu mani a na gwelago vbatshani yoyo ndzadzini, aya wu dzega a hi resela gasi hi kodze gu wu yingisa, ni gu wu landrisa?

Gambe wu mwalo khisikheyi nya linene, nya gu, u ganela, khuwe: Khu mani a na tshatugago aya khisikheyi nya linene, gasi aya hi dzegela, hi ta wu yingisa ni gu wu landrisa?