Popular Bible Verses from O TIMOTIUS MAHINOTOKA 2

Share

Kiani ngona nohi dailako nagou-goungu laʼ woni nako ma Jou Madutu hokä o nyawa i patu-patutu yomanarama Unangika. Nohidailako laʼ ngona koini mal̄ekua imakorona ani manarama, mä duga-duga nadotoko de madiai o dodötoko-o dodötoko madiai ma Jou Madutuino.

Nomahi kurutika o nyawa yogogoduru manga sanangi. Nohidailako mangale nowango imamoteke ma Jou Madutu ai mau, nosetia Ai dodotokika deʼ nahininga ani dodiawo, de imanïki tongona ani hininga irirïdi. Hoko gënanga nowango dede önanga imahi boaka yogahoko o roriwo ma Jouika de manga hininga idodono.

O nyawa yomanarama mangale ma Jou ipatutua ima kokangamo; ünanga kiani woigo wododiawo o nyawa mata-mataika, deʼ wakunu wadotoko o nyawa iyaoa deʼ ai sabari.

Nako ngone hosetiaua, Unanga tatapu wosetia, hababu Unanga wakunua walawani Ai diri mahirete.”

Unanga kiani de ai hininga mabole-bole wadotoko o nyawa yoigo yotoba lawani; tanu ma Jou Madutu wahidöaka o öraha o nyawaika gënanga mangale önanga i bötohi yodiai o baradoha deʼ yanako o dodötoko madiai.

Nomahi kurutika o ade-ade koiwa-iwa mabaraguna deʼ iwi hikauku ma Jou Madutu. O ade-ade hokä hoko gënanga duga-duga yadiai o nyawa iholoi itorou.