Popular Bible Verses from O TIMOTIUS MAHINOTOKA 1

Share

Hababu ma Jou Madutu ai Womaha wonahi döaka ngoneino, igoungua o Womaha inadiai ngone idadi hohawana. Ilio yaino ma Jou Madutu ai Womaha gënanga inadiai ngone idadi hokuata, iomanga de o dora deʼ hakunu nanga diri hatumungu.

Ma Jou Madutu wona hihalamati deʼ wona ahoko ngone laʼ ngone hodadi Ai umati mahirete. Unanga wodiai gënanga igoungua matiti okia ngone hamo manaramoka, mä matiti Ai datoro mahirete deʼ Ai hayanga de Ai dora itötotomo. Unanga wonahi döaka ngoneino Ai hayanga de Ai dora i tilakuru o Kristus Yesus, o dunia nënanga kaidadiö de kowahi.

Hababu gënanga ngohi tonihidöaka ngona o hohininga mangale nohiwango o ngongike ma Jou Madutu wonihi döa-döakoka ngonaika maöraha ngohi togelenga ahi giama ani l̄okuoka.

Hababu gënanga uha inimal̄eke nohidöaka o hakihi mangale tongone nanga Jou, deʼ uhaö ini mal̄eke imakorona ngohi, ihi buika karana Unanga. Ilio yaino, kiani ngona de ma Jou Madutuino ai kuata, no moteke nohangihara mangale o Abari ma Oa gënanga.

Hababu gënanga ngohi tatagongo mata-mata nënanga, mä ngohi tatapu tongaku, hababu ngohi tohi öriki de madiai o nagona ngohi tängaku. Ngohi tongaku okia Unanga wohihi ngongakuoka ngohino, Unangö wakunu wögöana hiädono o Kiamati ma Wange.