Popular Bible Verses from LIZULIZA 6

Share

Muyanze Yahova Nyasaye winyu ni mioyo jinyu josi, ni liiva lienyu liosi, ni zinguru zienyu ziosi.

Mwigizi avana vinyu nuvugulu. Mugatumikiri lwa muveeye mu zinyumba zienyu, lwa mugendaa, na lwa mu sosa kandi lwa mukoraa miyinzi.

Mutaleka malago yaga ga mbana ku munyi kalunu mba.

“Muhuliri, O, avandu va Isiraeli; Yahova; Yahova yeng'ine, aveeye Nyasaye wiitu.

Mulagavoha gave kelolero ku makono ginyu kandi mulagavoha ku mitwi jinyu gave chu kwizulizira ku.

Mugang'ode ku maliva gi zinyumba zienyu kandi virivwa vienyu.

Muhaane luyali ku Yahova Nyasaye winyu, mumusigamiri oyo yeng'ine vuzwa, kandi mulisuuha ku lieta lilie lieng'ine.

“Kuli Yahova Nyasaye winyu yasuuviriza niliesuuha, ku avaguuga vinyu, Aburahamu, Isaka na Yakobo, alahaana kumunyi kivala keveeye na madaala manene ligali kandi aguvutugi, agamwavula kwumbaka. Zinyumba zana ziliizula vindu vilahi via mwavura kuviika mu, kandi vidaho vilava yo viamwavula kuyava, kandi milimi ji mizabibu na mizeituni ja mwavura kusimika. Lwa Yahova amuleeta mu kivala yiki, mulava nivindu viosi via mwenya mulie. Mukore ndio kunangwa muvuli kwivilira Yahova uwamuhonyia kutura mu kivala cha Egebeti, wa mwaali avatugwa.

“Yaga nigo malago, ga Yahova Nyasaye winyu yandaga mwigizi. Mugalonde mu kivala cha muveeye ahimbi kwingira mu kandi kukivugula. Lwa muva nimukikiri mwoyo, munyi harara ni visukululwi vienyu, kuduuka muhaane luyali ku Yahova Nyasaye winyu kandi mulonde malago geege goosi aga inzi muheezaa, kunangwa muduuki komenya mu kivala kila ku ing'inga indambi.

Mukore aga Yahova avoora gaveeye malungi kandi malahi, na viosi vilava vilahi ku munyi. Mulingira kandi mulavugula kivala kilahi kandi kenoru yicho cha Yahova yasuuviriza avaguuga vinyu

Nimusigamira avanyasaye vandi, uvutima vwa Yahova vulaaka ku munyi kuli muliru na gulamudiviza ligali, kigira Yahova Nyasaye winyu oveeye hagati hinyu siavugiliraa vandu vahing'ana naye mba.

Mutasigamiri avanyasaye vandi, avanyasaye va avandu vamumenyi navo mba.

“Mutagelizi Yahova Nyasaye winyu, kuli mwamugelizira ha Maasa mba.