Popular Bible Verses from LIZULIZA 1

Share

Yahova Nyasaye winyu alimilira munyi kandi alamulwaanira, kuli mwalora vuzwa nakora mu Egebeti kandi muchangalangwe. Mwalora kuli yamuleta vulahi mumirembe kologendo yilwo lwosi kuduuka havundu hano; kuli baba anyala kuginga muyaayi weve.

Yahova, Nyasaye wavaguuga vinyu, amukole mumedeke haali elefu kuvita kuli muveeye, kandi amugasizi kuli yamusuuviriza.

“Lwa kwaali ha Kiguru cha Sinai, Yahova Nyasaye wiitu yakovolera ndi, ‘Mumali komenya ha Kiguru yiki ku ing'inga iduuki.

Kivala yiki choosi nicho kivala cha Inzi, Yahova, ndasuuviriza kuhaana ku avaguuga vinyiu, Aburahamu, Isaka na Yakobo, kandi ku visukululwi viavo. Muzie mukivuguli.’ ”

Mutamanyia liyaanzilira lovega lulala mu likalaga lienyu mba. Mukalagiri mundu sa mulala keleng'ani; kali ave nivwaha, munene anoho mukekeeke. Mutatia mundu kali mulala mba, kigira likalaga lia muhaanaa litulaa ku Nyasaye. Niiva likuva liosi liveeye lidinyu kumunyi mulileete kuinzi, na ndalikalaga.’