Popular Bible Verses from 1 KURINTUS 6

Share

Cengki kamu la keruan, bansau badan kamu umpamau ghuma Allah, bada Rua Allah diau dienjuakka Allah ngan kamu, mangku kamutu ukan hak kamu. Kamutu hak Allah. Kamu la dibeli, regaunyau la dibayighi galau. Karnau itu regauila Allah ngan badan kamu.

Cengki kamu keruan, jemau diau nidau nuruti kendak Allah nidau ka bulia hak njadi umat Allah. Jangan kamu tetipu. Jemau diau ngerjauka kerjau ja'at, nyemba patung, menaugawia, sangi ribangka selanangan, sangi ribangka setinauan, jemau pemaling, pengeghit ngan selak, tukang mabuak, galak ngarutka jemau ngan penipu, gegalau jemau luak itu nidau bulia hak njadi umat Allah.

Jawuhila kerjau diau ja'attu! Gegalau dusau lain diau dikerjauka jemau di luagh badan. Anyautu jemau diau ngerjauka kerjau ja'at ndusaui badanau sendighi.

Katau jemau, “Gegalaunyau bulia dikerjauka.” Nyela, anyautu nidau begunau galau. Empuak aku bulia ngerjauka tuapau kila, aku enggup ngenangka diriku dikuasaui tuapau kila.

Allah la ngidupka Tuhan Yesus jak di mati. Luak itu pulau kitau ka diidupka ngan kuasau Allah.