Popular Bible Verses from 1 Yohanes 4

Share

Ane ta'inca mpu'u ahi' Alata'ala hi kita', uma-tapa me'eka' hi Alata'ala. Ahi'-na to gana toe mporohoi nono-ta, pai' uma-tapa me'eka'. Ane tapoka'eka' pehuku'-na Alata'ala, batua-na, ko'ia ta'incai mpu'u ahi'-na hi kita'.

Aga koi' ana'-ku, napo'ana' Alata'ala-mokoi, pai' nidagi-ramo nabi to boa' toera, apa' Noto to ria hi rala nono-ni meliu kabaraka'-na ngkai noto to hi rala nono-ra to uma mepangala' hi Pue'.

Kita' ma'ahi', apa' Alata'ala-mi to ri'ulu mpoka'ahi'-ta.

Ompi'–ompi' to kupe'ahi'! Momepoka'ahi'-tamo hadua bo hadua, apa' ahi' mehuwu ngkai Alata'ala. Hawe'ea tauna to mpoka'ahi' doo-ra, hira'-mi to napo'ana' Alata'ala pai' to mpo'inca Alata'ala.

Tauna to uma mpoka'ahi' doo-ra, ko'ia-ra mpo'incai Alata'ala, apa' Alata'ala-hana, ma'ahi'-i.

Toi-mi to ra'uli' ahi'. Bela kita' to ri'ulu mpoka'ahi' Alata'ala. Alata'ala-hana to ri'ulu mpoka'ahi'-ta, duu'-na mpohubui-mi Ana'-na tumai jadi' tolo' woto-ta bona jeko'-ta ra'ampungi.

Ompi'–ompi' to kupe'ahi'! Apa' wae-mi kabohe ahi' Alata'ala hi kita'-e, toe pai' kana momepoka'ahi' wo'o-ta-tawo hadua bo hadua.

Hewa toi-mi Alata'ala mpopehuwu ahi'-na hi kita': Ana'-na to Hadudua nahubui tumai hi dunia', bona kita' mporata katuwua' ngkai Ana'-na toei.

Tauna to mpo'uli': ”Kupoka'ahi'-i Alata'ala,” pai'-i mpokahuku' moto ompi'-na, boa'-i-tawo'. Apa' ane uma-i mpoka'ahi' ompi'-na to nahilo, peliu–liu-nami Alata'ala to uma nahiloi.

Hema to mpangaku' kaYesus-na Ana' Alata'ala, Alata'ala tida hintuwu' hante hira', pai' hira' hante Alata'ala.

Jadi', toi-mi hawa' Kristus hi kita': hema to mpoka'ahi' Alata'ala, kana mpoka'ahi' ompi'-ra wo'o.

Ompi'–ompi' to kupe'ahi'! Neo' ncaliu nipangala' hawe'ea tauna to mpo'uli' ria Inoha' Alata'ala hi hira'. Petonoi ulu, ba mpu'u–mpu'u-ra ngkai Alata'ala ba uma-di. Apa' wori' nabi boa' modao' hiapa–apa. Toi-mi pompetonoi-na bona ta'inca hema to nakuasai Inoha' Alata'ala: hawe'ea tauna to mpangaku' Yesus kaHi'a-na Magau' Topetolo' to mewali manusia', tauna toe-ramo to napo'ana' Alata'ala.

Hawe'ea tauna to uma mpangaku' kaYesus-na Magau' Topetolo' toe, uma-ra napo'ana' Alata'ala. Tauna toera nakuasai noto to ngkai Bali' Kristus. Ni'epe moto tudui' to mpo'uli' karata-na mpai' Bali' Kristus, pai' tempo toi mpolia' ria-imi hi rala dunia'.