Popular Bible Verses from 1 Yohanes 3

Share

Ana'–ana'-ku, neo' ma'ahi' hi wiwi-wadi, neo' ta'uli' kampoka'ahi'-ta ompi'-ta pai' uma tababehi napa–napa mpotulungi-ra. Ma'ahi'-ta hante kehi-ta, apa' toe-mi ahi' to makono mpu'u.

Toi-mi pompetonoi-na bona ta'inca to ra'uli' ahi': Yesus mpewai' tuwu'-na bona kita' mporata kalompea'. Jadi', kita' wo'o kana mpewai' tuwu'-ta mpotulungi ompi'-ta.

Uma mowo kabohe ahi'-na Alata'ala to Tuama hi kita', duu'-na nakahangai'-tamo ana'-na. Pai' bate wae mpu'u. Ana' Alata'ala mpu'u-tamo. Tauna to uma mepangala' hi Yesus uma mpo'incai kakita'-na ana' Alata'ala, apa' uma-ra mpo'incai Alata'ala.

Tauna to mpobabehi jeko' oa', napo'ana' Magau' Anudaa'-ra. Apa' Magau' Anudaa', topojeko' ngkai lomo'-na ami'-imi-hana. Toi-mi patuju-na Ana' Alata'ala mehupa' hi dunia', bona mpogero bago-na Magau' Anudaa'.

Hawe'ea tauna to napo'ana' Alata'ala, uma-rapa mpobabehi jeko' oa', apa' mporata-ramo katuwua' to bo'u ngkai Alata'ala. Uma-ra bisa mpobabehi jeko' oa', apa' napo'ana' Alata'ala-ramo.

Rapa'-na ria hadua tauna to nakariai rewa dunia' toi, pai' mpohilo-i ompi'-na nakakurai' ba napa–napa, pai' nanaa mara-wadi, uma natulungi, tantu tauna toe uma-i ma'ahi' hewa Alata'ala.

Tauna to mpotuku' hawa' Alata'ala, tida-ra hintuwu' hante Hi'a, pai' Hi'a hante hira'. Toi-mi pompetonoi-na bona ta'inca katida-na Alata'ala hintuwu' hante kita', apa' nawai'-tamo Inoha'-na.

Toi-mi pompetonoi-na, bona ta'inca hema to napo'ana' Alata'ala pai' hema to napo'ana' Magau' Anudaa'. Hawe'ea tauna to uma mpobabehi konoa Alata'ala, bela-ra ana' Alata'ala. Wae wo'o tauna to uma mpoka'ahi' ompi'-ra, bela-ra ana' Alata'ala.

Toi-mi kareba to ni'epe ngkai lomo'-na: kana momepoka'ahi'-ta hadua bo hadua.

Toe-mi ompi', neo' nikehelei ane tauna to uma mepangala' hi Yesus mpokahuku'-koi.