Popular Bible Verses from 1 Yohanes 2

Share

Neo'-ta mpoka'ahi' dunia' toi, pai' ba napa–napa ihi'-na. Hema to mpoka'ahi' dunia' toi, uma-ra mpoka'ahi' Alata'ala to Tuama. Apa' hawe'ea to hi rala dunia' toi–hewa kahinaa nono-ta to dada'a, napa to tahilo pai' tapokahina, napa–napa to mpokalangko nono-ta–hawe'ea toe lau bela to ngkai Tuama-ta, bate to ngkai dunia'-hana.

Hiaa' dunia' toi-e neo' mogero-mi, wae wo'o hawe'ea ihi'-na to tapokahina. Tapi' tauna to mpotuku' konoa Alata'ala bate tuwu' duu' kahae–hae-na.

Ane tauna to mpo'uli' tida-ra hintuwu' hante Alata'ala, po'ingku-ra kana hewa po'ingku-na Kristus.

Ana'–ana'-ku, patuju-ku mpo'uki' tohe'i-e, bona neo'-ta mpobabehi jeko'. Aga ane ria to mpobabehi jeko', ria moto-i to mpotauntongoi'-ta hi nyanyoa Alata'ala to Tuama. Hi'a-mi Yesus Kristus to monoa'.

Tauna to mpo'uli': ”Ku'inca-imi-kuna Alata'ala,” hiaa' uma-di natuku' hawa'-nae, moboa'-imi, pai' uma napoinono tudui' to makono.

Ane tatuku'-mi hawa' Alata'ala, toi-mi pompetonoi-na bona ta'inca kata'inca-na mpu'u-imi.

Tauna to mpo'uli' ria-ra hi rala kabajaa-na, pai' mpokahuku' moto-ra ompi'-ra, bate hi rala kabengia-na oa'-ra-pidi.

Hema-ra to boa' toera-e? To boa'-le, tauna to mposapu kaYesus-na Magau' Topetolo'. Hira' toe-mi bali' Kristus, apa' rasapuaka-rana Alata'ala to Tuama pai' Alata'ala to Ana'.

Tauna to mposapuaka Alata'ala to Ana', uma ria posidaia'-ra hante Alata'ala to Tuama. Tauna to mpangaku' kaYesus-na Ana' Alata'ala, mosidai'-ramo hante Alata'ala to Tuama.