Popular Bible Verses from 2 KORINTUS 9

Share

Pohotala bokowasa nonga ahkan ihkam borehkat ijo molowi murai, mangat ihkam toturus anaingina inon ijo ihkam poruluoh; malahan ihkam ahkan labih aro ahkan nguan angpios tutang boamal.

Nyinong ulun harus nonga numbun korela ahtoi. Ara io nonga hawui ragu-ragu ata'ai tului toropaksa, kobain Pohotala masi ulun ijo nonga hawui sanang ahtoioh.

Ingat! Ulun ijo noburan bonyi honjiot-honjiot, ahkan nipun buaoh ijo honjiot ka'a. Tahpi ulun ijo noburan bonyi aro-aro ahkan nipun buaoh ijo aro ka'a.

Pohotala ijo nyodia bonyi ahkan ulun pongumo, tutang ukun ahkan ihto. Io ka'a ahkan nyodia tutang mopoaro inon jo ihkam noburanoh, mangat bua komorong ahtoi'kam botambah hino. Honong kodorih ihkam ahkan serba sukup aang kokaro hal, nyiring ihkam turus dahpot nonga hawui murah ahtoi. Tutang pononga-pononga'kam, ijo ihkai magi-magioh, kotuluioh aro ulun ngohawot torimakasih ahkan Pohotala.

Hondaklah ihto norimakasih ahkan Pohotala ngosan pononga-Oh ijo luar biasa rih!