Popular Bible Verses from OKHURULA 7

Share

OMWAMI namubool'la mbu, “Nzia okhukhukhola ibe okhuba singa Nyasaye khumuruchi, ne omusiani wenywe Haruni alal'loma khuye singa omuroobi uwo.

Nebutswa nakhole omwoyo kwomuruchi okhuba omutinyu ne sinakhuhul'le tawe, kata nimba nikhola akamangalimwa amenji khusibala sie Misiri. Ma nandeere esinyasio esikali khusibala sie Misiri ma mbinie olwibulo lwabandu banje musibala yimwo.

Nilwo olwa Abaamisiri nabamanye mbu ise ndi OMWAMI olwa nambahe esinyasio ne nimbinia Abaisiraeli musibala siabwe.”

Kho omuruchi yalanga abachetsiyi baabe nende abafumu, nabo nibakhola singa mbwo nibarumikhilanga obufumu bwabwe. Bafuuba hasi tsindabusi tsiabwe, natsio tsiakalukhana okhukwa tsinzokha. Nebutswa indabusi ya Haruni nemila tsindabusi tsiabwe.

Omwami, lola, Nyasaye aboolanga mbu witsa okhumanya ye niwina khumang'ana aka yetsa okhukhola. Lola nzia okhukhupaka amaatsi komuchela neindabusi yino, ne amaatsi ketsa okhukalukhana okhukwa amatsahi.

“Omuruchi naba namubool'la mbu mukhole akamangalimwa okhumanyia ninywe bena, obool'le Haruni abukule indabusi yiye ma achifuube hasi imbeli womuruchi nayo elakalukhana okhukwa inzokha.” Kho Musa nende Haruni batsia khumuruchi ma nibakhola ako MWAMI yali nababooleye. Haruni nafuuba indabusi yiye hasi imbeli womuruchi nende imbeli wabakhongo bomuruchi nayo nekalukhana okhukwa inzokha.