Popular Bible Verses from ETONGAN 21

Share

Dhabuna PANGERAN ka Mosa, “Kassa' ba'na agabay lar-olaran dimbaga, pacangke' ka cangga. Reng-oreng se ekekke' olar gella' mon ngabas ka olar dimbaga jareya tanto pas baras.”

Daddi Mosa abadhi lar-olaran dimbaga; lar-olaran jareya epacangke' ka cangga. Reng-oreng se ekekke' olar gella', mon ngabas ka lar-olaran jareya, laju baras.

pas ango'ngo'an ka Allah ban ka Mosa, oca'na, “Aponapa bi' sampeyan kaula me' egiba nyengla dhari Messer? Epamateya e ra-ara beddhi paneka? Sabab e ka'iya tadha' pa-ponapa se ekennenga teddha, tadha' aeng se ekennenga enom. Kaula ampon busen ngakan kakanan se tadha' rassana paneka!”

PANGERAN pas madhateng lar-olar se mandhi opassa, epangekke' reng-oreng Isra'il, sampe' bannya' reng-oreng Isra'il se padha mate.

Reng-oreng Isra'il pas padha nyabis ka Mosa, atorra, “Kaula paneka dusa, ango'ngo'an ka PANGERAN sareng ka sampeyan. Tore nyo'onnagi ka PANGERAN sopaja lar-olar paneka epatadha'a.” Daddi Mosa laju adu'a nyo'onnagi bangsa jareya ka PANGERAN.