Popular Bible Verses from MAZMUR 103

Share

O, puji' na Tumpu, o santuu'ku boli okolilimi na kanonongan-Nyo iwi-iwi'!

Ia na anu nongampunimo dosa' nu beleyum iwi-iwi', anu nompa'alinmo iwi-iwi' na panyakit nu beleyum, ia na anu nompobebasmo nyawa nu beleyum da nosabatmo mae i uno nu kubulan, anu talalomo hondo nongkalibosi beleyum ka' nongkanonongimo hondo beleyum. Ia na anu nomposukupmo kantumuu'an nu beleyum i han anu ma'ima', sahingga beleyum sabole-boleh daagi' olitau susumo mbambang nu bonyia'.

Nyanyian i Daud. O, puji' na Tumpu, o, santuu'ku buke-buke' na kinyonyoangku, puji' na sanggo-Nyo anu susi'.

Susumo tuuma mongkalibosi to ana-anaknyo, sumo aijo'mo na Tumpu mongkalibosi mian anu tulu-tulutan hi Ia.

Sumo kojo'onnyo nu kabete'an lengkat mae i kinsoban, sumo aijo'mo na Ia mompojoon dosa'to iwi-iwi'.

Kalana Tumpu saja' mongkalibosi ka' mongkanonongi, Ia talalo hondo sabaan ka' kalibosannyo daka' hondo.

Ia madi' mohukum kita sitimbang tiba, dosa'to, kabai mombalosi kita sitimbang tiba kasala'anto. Panyo sumo kotangkasnyo nu langit anu aita' mae, i buan nu tano' aiya sumo aitumo na kalibosan-Nyo kona hi mian anu tulu-tulutan hi Ia.

Tumpu mompalentah kiita' mae i suluga', iamo na tomundo anu mongkuasai iwi-iwi'.