Panyo mompolee' mami nindaka-daka'mo ka' mule' pinanggagamo;
iwi-iwi' na palentah nu Belento madi'mo pinajulian nu aha.
Aha madi'mo nohongo-hongo, iwi-iwi' na kanonongan nu Belento madi'mo pinajulian nu aha.
Ka' iwi-iwi' na anu binaumo nu Belento oka-okabangangi madi'mo nu inau' nu aha.
Kalana aha kinobubuunmo sahingga aha nompile'imo samian anu binau kapala,
da momboa aha mamba i Mesir, ka' po ule'mo timbali posaihon.
Panyo Belento Tumpu Allah sanang na kinyonyoa mongampuni,
talalo hondo sabaan, manonong ka' mule' talalo hondo mongkalibosi.
Kalibosan nu belento totu-totu'u madi' hondo ko gampanyo;
Belento madi' nompojohok aha.