Popular Bible Verses from NEHEMIA 7

Share

Salatan pagan mesen aijo' jinadimo na binau, pinokaungkumo da tumbannyo opaha pokonamo. Lantas mian anu monjagai sabatan daka', to panya-panyanyi ka' aha to mia-mian nu Lewi pinokaungkumo da mombaumo kalajanyo nu aha toto samian. Anu mompalentah kota' Yerusalem binee'kumo hi utusku i Hanani ka' hi Hananya, anu montalenga'i benteng, kalana ia na molingkudui mian sangga'at, mabuhuk hi Tumpu Allah ka' timbali opalesaya.

Pinoto'ingkumo hi aha, “Sabatan Daka' nu Yerusalem timbalije otuhea'akon de sinaamo ka' tionyo ahi' otumbanmo ka' osupati'mo ma'isa pe'e to mia-mian anu monjaga haha aijo' minsusule'mo, de madi'mo monjaga malom. Ka' mule' o'atunmo ahi' na mian nu Yerusalem anu monjaga, sambahagian i tampat-tampat ponjaga'an ka' sambahagian mule' mian anu molonda i da'erah duhu-duhuk i laigan nu aha.”