Popular Bible Verses from YESAYA 65

Share

Ma'isa pe'e aha mongkakase mae, Ku taamimo na aha, ma'isa pe'e aha lapas na balado'a, Ku talimamo na do'a nu aha.

Tumpu notatae, “Aku mombaumo langit anu obauje mule' ka' dunia suele anu obauje mule'. Anu binaumo momona okolilimimo, ka' madi'mo daagi' o'inau'.

Iwi-iwi' na anu nu bau nu aha ko hasinnyomo, ka' to ana-anak nu aha madi' saitotolo' silakamo. Aha tiba lee' nu aha, Ku balakatimo sampe toka sidu-sidutu'.

Mian mombaumo laigan ka' oposi jojoongimo mian sangga'at madi' timbali monjojoongi. Aha monsu'animo ale' nu anggur, ka' monginumo uee nu anggurnyo; mian sangga'at madi' timbali monginum. Mian anu palesayamo hi beleng-Ku mantanmo na umunnyo susumo kau', ka' mongkaanmo hasin nu pakalaja'an nu aha.

To ana-anaknyo madi'mo daagi' ko anu silaka daai' ise', ka'mian anu tu'anyomo mantanmo na umunnyo nu aha. Mian anu umunyo sa'atumo na taun daagi' o'anggap olitau, ka' mian anu sinilakamo ma'isa pe'e jinadi na aijo' o'anggapmo ahi' kinonamo nu hukuman-Ku.

Serigala tiba anak nu domba mogalumo na mongotot hempu'; singa mongototmo haat susumo sapi', ka' mule' ulo madi'mo ahi' monsilakai. Isongko-songko na puge'nyo anu susi' anu Aku na tumpunyo madi'mo daagi' ko anu mompolugi kabai mombau palabuatan anu ma'idek.”

Posi Aku suele saja' bilahi kalana Yerusalem, ka' lame'mo kalana mian anu monjojoongi. I kota' aijo' madi'mo daagi' ko anu humang, ka' madi'mo daagi' ko anu molobo' momoita tulung.