Aku balado'a bisa-bisa' Tumpu anu opopodaka' sanang na mompohoson kinyonyoa miu nu Roh-Nyo. Ku'amalakon kalana komiu pinalesayamo hi Kristus, i Kristus jojoongmo i uno nu kinyonyoa miu, ka' kantumuu'an miu mompintoongimo ka' nu kuasaimo nu kalibosan. Aku balado'a bisa-bisa' hingga-hinggat tiba mian iwi-iwi' anu palesayamo hi Tumpu, komiu moko ala monsumbu' palias na ko ewanyo ka' ko mantannyo, ka' ko tangkasnyo, ka' ko leengnyo na kalibosan i Kristus, anu de ola kapandean nu mian madi' opoko sumbu' hondo-hondo. Ku'amalakon da komiu monsumbu' kalibosan i Kristus aijo', sahingga tabiat nu Tumpu mobuke'mo ma'i-ma'ima' hi komiu.