Popular Bible Verses from YOSUA 1

Share

An nen he, Hat hendawinggen hambukhogo hailo lekhogo logoino iluk komothafi mene andi hendawimo eberek mondok logoino. An heisena TUHAN Allah nen, hat hebe koma lagain halok, setharek mondok logogin andi nen he, hendawinggen firik logolik hailo-hailo hilingitik, haberali agik, hilingiti logogin lego,” iluk yagatikhe.

Haren he, wene An Allah nen, yi'nogo hilingi'no, ti'nogo hilingi'no, iluk isigi mene lisu palek werek andi, mondogat higithogo hilingiti logoinogen iluk, wene ebe lisu palek mene andi, linggene nen hubanggo nen enu salhu mondok logoino o. A'nogo hilingiti logolik, wene lisu palek werek mene andi mondogat An nagainafuri ineilhanem enu salhu mondok logoino o. Haren a'nogo mondogat hilingiti logogin halok, hat hebe fano logolik, yi mene ti mene faget ugunem elok enek hilinglaga logogin o.

Ma re, An namingmingengge Musa nen he, yi'nogo hilingi'no, ti'nogo hilingi'no, iluk yagahisasikhe mene andi mondogat ekhe sagalogo hilingiti'lek hologo hilingi'nogen he, hendawingggen hambukhogo hailo lekhogo logoino o. Wene andi mene endebat halok ekhe pelakfigi'lek, higithogo nek hilingisigin halok, haren yi mene ti mene faget hilingitunem he, higirenek hilinglaga logogin o.

An nen attak Musa serogo mondok welagagi andi hak, hat herakhobagagi'lek setharek mondok logogin andi nen he, afuni ekhe nen hat mabenet hobagagun mondok lego.

An nen hinombalak o wogisageluk wene warisasigiba andoma haren it woginarek o andoma sebeli kwigin andi nen he, hendawinggen hambukhogo hailo lekhogo logoino o.

An nen Musa yagatigi andi hak, o hit hineisok sebeli logoin kwe andoma mondogat hat hebe inom, nagainafuri Israel mene mondogat inom, wokhisagain o.

”An namingmingengge Musa ebe arat wa'lagama re, yogondak hat inom, afuni Israel mene mondogat inom, i Yordan palogo, o An nen wokhisagain oba andoma kwi lobagaigen he, yi mene ti mene tik-tukhogo feino o.

TUHAN nen he, At amingmingengge Musa ebe wa'lagaikhesik oba nen, at Musa agot Yosua, ap Nun amlogo a'nogo mel yagatikhe

Hinaiba logogun oba andoma ebe re, o leimo afuni le'ma i Yordan ambut higit andoma nen pikhit i Yordan elesi higit o Libanon tomkwe huli andoma inom, nen i hokho Efrat mo yegelogo liabi wagarek higiren pikhit afuni inunggulenu Het mene inaiba nen huli i Laut Tengah mo ubukhogo kwi lagarel huli andoma mondogat logogun o.

Afuni ekhe haren fetninarek were'ma hawe a'ma soma imbik hane hologo hilingisu inabit mene halok, inebe mondogat inoasugun o. Ma re, hat he hendawinggen hambukhogo hailo lekhogo logoino o,” iluk yagatukwa.

A'nogo yagatikhemo, at Yosua nen he, afuni Israel mene mondogat inawi su meneba wurikwe were'ma inogogwi kaindek lombogen yagaisilik loageluk mel yagaisasikhe: ”O ninenggi 2 hari logombik, ninenggi ekheba re i Yordan palogo nineisena Allah nen wo'nisagain oba arat sebeli kugun andi nen he, hinafe hebelasimbik yi mene ti mene tik-tukhogo feino o,” iluk yagaisilik loageluk yagaisasikhe.