Popular Bible Verses from DANIALI 5

Share

Ti Tuani lowatotia lotilaio̒ batanga ode Eeya tosologa wau buheli lei̒ tuwotao̒ mamaa-nggowaalo u mailambato lonto Bele lo EEYA. Lapatao̒ ti Tuani lowatotia wau taduduulaa̒ lolipu, mongodile wau mongopipia li Tuani lowatotia longilu to mamaa-nggowaalo boito. Ti Tuani lowatotia helomuji-muji dedeewaalo upilohutu lonto hulawa, talaa̒, tombaha, wate, ayu wau botu, dedeewaalo udiila mowali moo̒onto, meaalo moo̒dungohu boli mongalati wolo-wolo. Ti Tuani lowatotia diila mohulumati Allahu Taa̒ala tamolantu mai tutumulo meaala mate li Tuani lowatotia wau molantu mai dalalo tutumulo li Tuani lowatotia.

Uti-utieelo utula-tuladee boito, ‘Yilia̒apo, yileekeni, tilimenga, tilayadu.’ Wau uti-utieelo boliilio: Yilia̒apo, maasa pamalenta li tuani lowatotia mailia̒apo lo Allahu Taa̒ala wau piloo̒ pulitio mao̒; tilimenga, ti Tuani lowatotia maa tilimenga wau ilodungga diila moo̒luli hilao; tilayadu; yilaidia li Tuani lowatotia tilayadio wau yilohilio ode taulo Media wau Persia.”