Popular Bible Verses from WUNGGULI LOMONGO RASULU 5

Share

Tei Petrus wau mongo rasulu wewolio boito lolametao̒, “Amiaatia musi modudua̒ to Allahu Taa̒ala wau diila modudua̒ tomanusia.

Wau timii̒du dulahu to Bele lo Eeya wau to bebee-leyeyaalo lotau, timongolio debo hemo ngaajali tulusi wau hemo pololadu Habari Mopiohe pasali li Isa deu̒ Tiolo Olongia Tamoo-poa̒ahua u pilodanti mai boito.

Yi tei Petrus loloi̒ya mao̒ olio, “Ananias, yilongola pilolulimu Ibilisi longawasa hilaamu, tunggula yio̒ malo himbulo to Rohullah, wolo poo̒-poo̒oyo helo laahangi ode batangamu lohihilao ngobutai̒o halaga lohuta boito? Huta boito uwolemu tou̒ diipo pilotalimu. Wau lapatio mao̒ huta boito pilotali doilio olo donggo uwolemu. Oditolio yilongola omakusudu todelomo hilaamu umohutu debo odelo uito? Diila manusia tai̒laa-kalimu bo Allahu Taa̒ala!” Odito tei Ananias loo̒dungohe loi̒ya boito, tio malei balatolo mola tulusi yilate. Ngoa̒amila taloo̒ dungohu pasali uilowali boito mailoohe.

Oditolio botia wolo polou̒tia botie, naseehati lowatia yito: Diila mao̒ pongo-pongolawa tau-tauwalo botie, huliilo mao̒ timongolio. Sababu wonu pongaajali wau oo̒oliyoi̒ mongolio botie yito lonto manusia, yi pongaajali wau oo̒oliyoa̒ boito mamooli. Bo wonu uito lonto Allahu Taa̒ala, yi Mongo wutato diila tamoo̒laahe olimongolio. Tumbao̒ tanu mamoi̒laalo mai deu̒ Mongo wutato moluwali Allahu Taa̒ala.” Naseehati lei Gamaliel boito tilolimo lo mahakama.