Popular Bible Verses from 1Tesalonika 5

Share

Kinakla arlenggen kasi mondok dogono o. Sembayan kunik-kunik yisi mondok dogono o. Allah akla nen, “Kit Kristus Yesus kinom kunik dogolik, yi mende ndi mende taʼbokogonat pasik an keyagi watnako dogusak o,” yiluk ambaligogo eti paga, esigit dilugat kagako dogono o.

Esigit diluk werekma, at Allah ninendainggen kambugut dinaligogo mende etnogo nen, kinebe abirat enggaerek ake ʼbakalok dogowak o. Werekma, ninewe Endaganggok ebe wagonem, kinendainggen inom, kinebe inom, kinobabut inom, wene kinoba ʼbusak mondok dek nggaʼberek werekma wisuwak nen, at nenat pakisek dogowak o. At ninombae Endaganggok Allah ninayonggo ʼbisike mende etnogo nen, “Esigit diluk kagat kinabigin,” yiluk abok yoknisiligogo ndak-ndagat kagarigogo etnogo nen pakisek dogoluk, eberogonat kagat kinabiginat o.

Akoni nen kit amberek weyagat kinakonem, onggo-onggo weyagarinakidek dogolik, kit-kit kinake inom, akoni taʼbokogonat inake inom, pano kagako dogusak mendeat nggogot disi dogono o.

Eti paga, kit yogondak ya kagarigogi kagat, kit-kit kinasuk wat-wat yigik, kinendainggen ago wat-wat yigik, kagako dogono o.

Nagarlagi nirugi o. Kit nen, it amberek yabu waganuʼbuk ininggi waganu weyak mende eti inasuk wakik, inayuk weyak mende eti inakla nggagalkik, inobatne dek mende eti yamagiyigik, kagako dogolik, akoni taʼbokogonat inake kinoba enagogo erogat kagako dogono o.

Allah akla agaga nit ninoba ʼbiluk weyagat ninabigiluk mik ninakike dek. At te, ninewe Endaganggok Yesus Kristus nen ndilogo panot ninabuwagaluk mikninakike o.

Akoni o dinggagane liya paga dogoligogi kak, kit taʼbokogonat liya eti indewerek mendeat werek o. Nit o kibanggo amummo dogoligogi kak, eti mende indewerek werek ʼbuk. Dek o.