Popular Bible Verses from Matyu 7

Share

“Manna yultanauh dawak Papang yaklau manawang; waltanauh dawak yaktanama; dūr yakat yultanauh dawak apahna karang.

Kat yulwa muihni kidika laih duwi; dawak walwa muihni kidika laih yakwi; dawak dūr yakat yulwa kidika laih apahwi.

“Kaput bahang, angdika muihni yang yultayang kidika dakawi yamwarang kat, kidika laih sihm sins duyang alni as kipala minit yakat ūni pakna dai kidika kapat ki.

“Kaput bahang, manna muih balna yakat yamtanauh ūk balna yaklau manna yakat manayamna atnin kultamana kaput; kat adika kuduh lā yaklau dawak prapit balna uhulna yakat bik yamnin yuyulwa kidika.

kaunah sangka atnin dūrni dawak tani kidika laih dibinina ki dawak bik kanin dadasni ki, dawak muih bulah palni walwi yayakwi.

“Dūr dibin munah awanauh. Kat disnin dūrni dawak tani kidika balna laih pirihta nunuhni ki dawak ahni panunuhni ki, dawak muih balna mahni bik kidika balna yakut kakawi

Bahang manna dutni muihni mana kidika, walamanabis balna yakat di yayamni balna manah diata mana kat, ¡manna Papangmana kisang kau sak kidika yaklau ampus palni di yayamni diawarangyah kalyuyulwa muihni balna yakat!

“Manna muih ūk lani kidika yulwi yayamwinih, Papang yaklau manna yakat lamana yamnin awas yulni. Bahang manna lawa muih ūk balna yakat amput lanina yamtamana kat Papang yaklau kaput lamana yamna karang ki; dawak ais kau kulta talnama kat, Papang yaklau bik kidika kau manakulwi talna karang.

Kaunah angdika muihni yang yultayang kidika dakawi yamwas kidika laih, kidika laih sihm muih al as sins dis kauhmak minit yakat ūni pakna dai kidika kapat ki.

¿Ais yulni man wirahma minikpa yakat dibasta kana kidika talamanh, man mamakpa yakat pan sar as kana kidika laih talas data? Dawak man palni mamakpa yakat pan sar as dutaman kat, ¿amput man wirahma yakat kalyulmayah: ‘Yatang kat mamakpa kau dibasta kana kidika yakkuh’?

“Manna amung talnauh alas yulyang muihni balna Papang yulni yulnin kukulwa kidika yakat. Witingna laih sīp kapat kalwi manna yakat aiwi, kaunah kulninna pasyakat laih sihm nawah pauni anyang balna kapat ki. Manna amanglanamna sip ki witingna di yayamwa balna kidika munah, kat wain dawak ani damni minik balna kidika wakal balna paskaupak minik yayakwas ki.

Kaput bahang, pan yayamni balna bitik kidika minik yayamni manah yayakwi, kaunah pan dutni kidika laih minik bik dutni yakwi.

Pan yamni kidika laih sip minit dutni yakwas ki, dawak pan dutni bik sip minik yamni yakwas ki.

Pan dudutni minik yamni yayakwas balna kidika laih, dakwi kuh yakat ruhmwi.