Popular Bible Verses from Matyu 5

Share

Awas as kidika sip dahlwi baks pasyakat awas ki; baisa laih maluihni yakat ilwi ū pasyakat muih bangkidika bitik yaringni talna atninna yulni. Sihm kidika kaput, manna awas mana kidika bik datanang yaringni dahlwang muih balna muhnina yakat, manna yamni yamtamana kidika yakat talwi witingna yaklau manna Papangmana kisang kau sak kidika yakat ayangni tanit nuhni yayamwang.

“Manna laih adika sauni yaringni mana. Asang tuna yakat tawan nuhni as pakkidika sip yakmaldas ki.

“Yamni palni ki kulninna maisihni dis balna kidika, kat witingna laih Papang tatalwarang bahang.

“Yamni palni ki yuh dawak was dinitnabuh kapat yayamwa balna kidika, Papang yaklau yamnin yulwa yakat, witing yaklau diawarang bahang dukih diawa dini balna kidika.

Kaunah yang lawik manayultayang: Manna namangnakauh yaklalauwa muihni balna yakat dalani ditalnauh, dawak witingna yakat uhuiwa muihni balna kidika yulni mamatna yultanauh.

“Yamni palni ki angdika muihni balna amanglalawa kidika spiritnina dukih diawa kat, kat Papang king kawa sauni kidika laih witingna dinina bahang.

“Yamni palni ki kulnin aslah lani dukih diawa balna kidika, kat Papang walanibis balna karang bahang.

“Yamni palni ki kulninna bukna balna kidika, kat Papang yaklau walanina awarang bahang.

“Yamni palni ki Papang yaklau yamnin yulwa yakat yayamwakat diuhuiwa muihni balna kidika, kat Papang king kawa sauni kidika witing duwarang bahang.

“Yamni palni ki muih ūk balna yakat miniknakun tatalwa balna kidika, kat Papang yaklau witingna yakat miniknakun ditalwarang bahang.

“Yamni palni ki manna yakat muih dutni mana yulwi dutni manayayamwarang kat, dawak yang yulki alas satni bitik karak bik alas manayuyulwarang kat. Alasna alahwa ismangnalak awanauh, kat mamatna nuhni as dutanama ki kisang yakat; bahang sihm kaput bik manna tamatnakauh prapit balna yalalahna dai kidika yakat usnitna uhuina dai.

“Yamni palni ki buknin lani duduwa muihni balna kidika, kat Papang yaklau sau dianin pramis kalahna kidika duduwarang bahang.

“Manna laih adika sauni kumani mana. Kaunah kuma kidika wilamni dis karang kat, ¿amput auhni duwarangyah? Kidika laih dunin dini awas kalna, kaput bahang ahni yakat ruhmyaktang kat muih balna kidika atatakwi.

Manna barangni awanauh, Papangmana kisang kau sak kidika barangni kapat.

Manna ‘agha’ tinamakat, kaput yamtanauh; ‘dikah’ tinama kat kaput yayamwinih, kat adika kaupak naikau kalahnin kidika laih dutni ki.

“Manna muhnilau kau yulna kidika dakanamana: ‘Biri minikpa biri minikpa dawak biri anani biri anani.’ Kaunah yang lawik manna yakat manayultayang: Muih as yaklau dutni mayamwakat niningkauh yaklauwinih; nawatkauh laih, muih as yaklau muhma labanni yakat mawiswakat, ūk kidika bik kalatang kat mawiswang.

“Kaput bahang, man mamakpa tingpal niningkauh kidika yaklau mayamwakat dutni yamtaman kat, yakta man kaupak naikau ruhmtah; baisa yamni ki man muihma nuhni dakni aslah disma kat, muihma nuhni bitik kuh yakat ruhmwarang kidika karak dawakat. Dawak man tingmapal kidika yaklau mayamwakat dutni yamtaman kat, dakta man kaupak naikau ruhmtah; baisa yamni ki man muihma nuhni dakni aslah disma kat, muihma nuhni bitik kuh yakat ruhmwarang kidika karak dawakat.