Popular Bible Verses from Matyu 14

Share

Kaunah wing parasni wauhwa kidika dakana mani kat, yamaduna dai; dawak was pasyakat kakiwa kidika yulni, sarahwi yulna: —¡Dawan, yalaihta yaktah! Kidika minitni yakat, Jisas yaklau Pita tingni yakat laihwi, kalyulna: —¡Rahm kulnin lani dibindauh palni dutaman! ¿Ais yulni rahm kultasman daih?

Kaunah wing parasni wauhwa kidika dakana mani kat, yamaduna dai; dawak was pasyakat kakiwa kidika yulni, sarahwi yulna: —¡Dawan, yalaihta yaktah!

Kaunah Jisas yaklau yul dibauwi aput diyulna: —¡Kulnamna dadasni dutanauh, yang, yamaduduwinih!

Bahang Pita yaklau nangnitlana: —Dawan, rahm man kat, yayultang kat was minit munah yawakuh man sakman kat. Jisas yaklau kalyulna: —Aiwah. Bahang Pita laih kuring kaupak yaklakwi was minit munah lapakwi kiuna dai Jisas sakdai kidika niningyakat.

Bahang kuring pasyakat bangdai kidika balna witingna Jisas muhnit yakat limbabahwi kalyuyulna: —¡Rahm palni man laih Papang Walanibisman!

Jisas yaklau nangnitnalana: —Ais yulni witingna uiwarangyah; manna lawa witingna yakat kasnin dini diatanauh. Witingna yaklau nangnitlalana: —Yangna laih plawar busna singka dawak waspa dini bu kidika manah dutayangna.

Jisas yaklau diyulna: —Akat duaita yatanauh. Bahang muih balna mahni kidika yakat diyulwa kat sihrsihr yakat yalalahna dai. Usnit kat plawar busna singka kidika dawak waspa dini bu kidika duwi, kisang yakat talwinah blis yamna dai dawak plawar busna balna kidika bahwi disaipil balna yakat diana dai muih balna kidika yakat diana atninna.

Muih balna bitik kidika laih kaswi isningnalak dana dai; yayahni balna watna kidika ududuhna kat di punin dini kapatnah manah 12 yayakna dai.