Popular Bible Verses from MARKUS 14

Share

Adanna, “Ambo', oh Ambo', dé' gaga mustahélé' ri Ambo'. Akkani anrasa-rasangngéwé polé ri Iyya. Iyakiya aja' taccowériwi élo-Ku, sangadinna élona Ambo.”

Nanakkeda Yésus lao ri mennang, “Jaga-jagano, sibawa assempajanno kuwammengngi dé' mupéneddingiwi paccobangngé. Mémeng rohmu maélo pogau'i iya tongengngé, iyakiya dé' mulléi saba' sipa'na tolinoé malemmai.”

Ateppe'no! Ri sininna linoé, kégi-kégi Karéba Madécéng polé ri Allataala riyabbirittang, pangkaukenna iyaé makkunraié ricurita towi matu selaku passénge' ri aléna.”

Nakkeda Yésus lao ri mennang, “Tassinnau senna'i atik-Ku, samanna pappéneddikku maélona maté. Onrono kuwaé sibawa jagano!”

Wettunna mennang manré, nalani Yésus rotié nanassempajang sukkuru' ri Allataala. Nainappa Napuwé'-puwé' iyaro rotié sibawa liman-Na, na-Nawéréngngi ana'-ana' gurun-Na nanakkedato, “Alai namuwanréi, iyanaé tubuk-Ku!”

Purairo, malani séuwa énungeng anggoro. Nassempajang sukkuru' ri Allataala, nainappa nabbéréyang iyaro énungengngé lao ri ana'-ana' gurun-Na. Nainappa naénung manenni mennang iyaro anggoro'é. Purairo makkedani Yésus, “Iyanaé dara-Ku iya paessaéngngi assijancingenna Allataala, dara iya ripatabbolloé untu' maéga tau.

Nainappa makkeda Yésus lao ri mennang, “Lari manekko matu salai-Ka. Saba' tarokii ri laleng Kitta'é, ‘Naunoi matu Allataala pakkampina, natassiya-siyana matu bimbala'na.’

Oto'no, talao. Itai! Poléni tau iya bali'bellariyék-Ka!”

Nakkeda Yésus, “Engngerangngi, iyato wennié, riwettu dé'napa naoni manu'é wékkaduwa, wékkatelluni muwassakkarek-Ka.”