Popular Bible Verses from MARKUS 11

Share

Rimakkuwannanaro éngngerangngi iyaé: Rékko massempajakko sibawa engka muwéllau, ateppe'ko makkedaé purano nawéréng Allataala aga muwéllau, namutarimai matu.

Tongeng, weddikko makkeda lao ri bulué, ‘Tarakkano namusempé ri tasi'é!’ naripogaukekko matu iyaro gau'é; assaleng dé' mubata-bata, sibawa mateppe'ko makkedaé iya mupowadaéro kajajiyang tongengngi matu.

Narékko massempajakko, iyakiya atimmu dé' namasennang lao riséddié tau, addampengengngi riyolo' iyaro tauwé, kuwammengngi Ambo'mu ri surugaé naddampengeng towi dosa-dosamu. [

Nappébali Yésus, “Ateppe'ko ri Allataala.

Nainappa napagguruni Yésus sining tauwé kuwaro. Makkedani, “Ri laleng Kitta'é tarokii makkedaé: Makkedai Allataala, ‘Riyasengngi matu Bola-Ku onrong massempajang sininna bangsaé.’ Iyakiya iko mupancajiwi saranna paddampo'é!”

Sining tau joppaé ri yolo, sibawa sining tau iya maccowériyéngngi polé monri, gora-gora maneng, “Pojiwi Allataala! Ribarakkakiwi Aléna iya polé ri laleng asenna Puwangngé!

Tuwoi apparéntan-Na mangoloé – apparéntanna Daud néné-nénéta! Pojiwi Allataala iya Pommatanré!”