Popular Bible Verses from ROMA 12

Share

Inai mololoiyo nadunia nia namongiasan. Sodiiyomo ko Mian Bisa nakubaiyo kobutomu teali boolu, sulano komuyu tobolii. Tukon kalu buno doiya komuyu moola toiyo ko Mian Bisa namongiasan – doiyamo oila komonondok tukon mo sanaanggene Konoano tukon mo talakana.

Utus-utus! Ko Mian Bisa monondok tuuno doi kita. Doiyamo kosababpo yaku kabiyo tukon tutuu sulano komuyu pososubakene kobutomuyu buno meeng kososubakon motubo mo kusus tuuk doi Mian Bisa tukon mo sanaanggene Konoano. Komu manganggaan doi Mian Bisa siokai nabuno doiya.

Siokai Utus mumoini doi Temeneno tukon laba, sabar doi susaan lalomo, tukon tataap sambeang.

Inai mosodiikene kobutomu kolokis nalungguiyo, bai siokai Utus mulungguiyo domo lokisoo tukon namonondokan.

Siokai Utus-utus poposeanggon meeng tukon bailon tukon polasaiyo buno mian mo montolutus doi meeng kobonua lalomo, siokai komuyu po matailukiyo beena adat.

Seseange tukon sanaang. Misikitene komo lokis, tukon bataani doi oila komo monondok.

Doikoo tambikon, kakaatemo mumoola laate sulano mutubo dame tukon sasaibino komian.

Utus-utusonggu! Inai mobalase konggimalan, sodiiyomo Mian Bisa komo ukume. Sabab doi Kitab Moliyous lalomo totulis, “Yakumo komo balase. Yaku naikon komo ukume yana, Temeneno bantile.”

Pobalimang tukon molole. Inai mobea. Balimango motuuk doi Temeneno tukon samangat moluwedoi Mian Bisa Na Roh.

Mian Bisa lapamo beena doi yaku kona monondokan. Doiya kosababpo yaku mongotinau Utus-utus sasaibino: Inaikai molasaiyo kobutomu lobian tatandak doi mo tutuu. Tadukai komuyu ponilaiyo kobutomuyu nandondoong tukon poekependeyo konoamuyu; meeng-meeng komian nilaiyo kobutongo menurut nakamampuan Mian Bisa mo beekene doi yana sabab yana mangangga doi Yesus.

Kalu komian kubaiyo lokis doikoo, inaikai mobalase tukon nalokisan. Kubaiyomo oila komo inaanggon monondok doi sasaibino komian.

Potubo pokindok meeng tukon bailon. Inaikai mobati-batinggai, bai pokonoikene kobutomu tukon mian kona kadudukan mo pepende. Inai moaanggene kobutomu lobian pandoi doi natutuuan.

Kobalino, kalu komu musu malaal, beena yana kaan; tukon kalu yana molou, beena yana monginum. Sabab tukon kubaiyo mobuno doiya, Utus naikon kubaiyo yana teali mammaa.

Kabiyomo doi Mian Bisa sulano Yana nabalakaatiyo komian mo lokis doikoo. Oode, kabiyo ko Mian Bisa nabalakaatiyo yanila, inai mokutuke. Poloingi molaba tukon komian mo laba-laba, tukon kokiil tukon yanila mo kokiil.

Tulungiyo muosukupe ko Salani miano bailon nakapalaluuwan tukon tarimayo Utus-utus mopomeenggon manganggaan Utus mo aki natingoniiyo, tukon noa sanaang doi mubonua lalomo.

Kobutonggita daano badaang kona anggota. Sasamba koanggota daano kona limang susuungo. Bunomo koidan tukon kita. Mau kai kita sasaibino nabadaang, bai kita pokakana meeng kobutonggita sabab kita pomeenggon doi Kristus. Tukon kita meeng-meeng komian potaami meeng tukon bailon buno anggota-anggota doi meeng kobutonggita.