Popular Bible Verses from PANGARATAION 30

Share

Saonnari bolas ma pilionmunu, hangoluan sanga na hamatean, pasupasu ni Tuhan sanga na buraNia. Langit dohot tano hupio gabe saksina di haputusan sibaenonmunu. Antong pili hamu ma hangoluan. Haholongi ma TUHAN Debatamu, oloi hamu ma Ia, jana setia ma hamu tuSia. Gabe siginjang umur ma hamu dohot pomparanmunu di tano na nijanjihon ni TUHAN tu ompumunu si Abraham, si Ishak dohot si Jakob.”

Muda holong rohamunu tu TUHAN Debatamunu jana mangoloi hamu tuSia bope diihutkon hamu sandok uhum dohot parentaNia na hulehen tu hamu sadari on, gabe dapot hamu ngolu na sonang, jana gabe bangso na sonang. Pasupasuon ni TUHAN Debata ma hamu di tano na so sadia honok nari be giot siingananmunu.

Sadari on bolas ma pilionmunu hangoluan dohot na denggan, hamatean dohot hasusaan.

Nada! Dison, di hamu sandiri do hata i. Diboto jana tarenet hamu do i, antong oloi hamu ma i saonnari.

LehenonNa ma di hamu roha na burju mangoloi, jadi gabe holong ma rohamunu di TUHAN Debatamunu sian sandok rohamunu, jana bolas ma hamu torus maringanan di tano i.

Sai mardohar ma hamu baenon ni TUHAN di sude na nikarejohonmunu; bahat ma dakdanakmunu jana bahat pahan-pahananmunu dohot hasil ni tanomunu. Songon jop ni rohaNia mangalehen hamakmuran di ompumunu, laing songon i do jop ni roha ni TUHAN mambaen hamu makmur.

Tapi muda nada ra hamu mangoloi dohot manangihon jana dipadiar hamu dirimunu dililuhon laho mamele tu angka debata na asing, ingot hamu ma na hupaingot hamu sadari on: mago ma hamu. Nada maginjang umurmunu di tano na di bariba ni Batang aek Jordan na so sadia lolot nari be giot buatonmunu.

Nada na mamaoltu sanga na so tarpadalan parenta na hulehen tu hamu sadari on.

Nada di langit ingananna. Indangkon pola marsapa hamu, ‘Ise ma na manaek tusi dohot na marobansa mijur di hita, anso tarbaen hita manangihon dohot mangoloisa?’

Nada di bariba ni laut muse ingananna. Indangkon pola marsapa hamu, ‘Ise ma he na manaripari laut i dohot na marobansa tu hita anso tarbaen hita manangihon dohot mangoloisa?’