Popular Bible Verses from KITAB TEU-ULANG 30

Share

Jinoenyoe gata jeuet tapiléh udeb atawa maté, beureukat TUHAN ngon kutôk Gobyan. Langét dan bumoe ulôn hôi jeuet keusaksi ateueh keuputosan gata nyan. Piléh kheueh udeb. Cinta kheueh TUHAN Po teu Allah gata, taát kheueh ubak Gobnyan, dan seutia kheueh gata ubak Gobnyan. Lé sababnyan gata dan keuturonan gata teuma udeb dan panyang umu gata di nanggroe nyang geupeujanji lé TUHAN keu indatu gata, Nabi Ibrahim, Nabi Ishaq dan Nabi Yakub.”

Nibak uroenyoe ulôn peurintah gata keu gata cinta ubak TUHAN Po teu Allah gata dan taát ubak Gobnyan meunan cit gata peubuet teuma banmandum huköm dan peurintah Gobnyan mangat gata makmu dan jeuet keu bansa nyang raya. TUHAN Po teu Allah gata teuma geubri beureukat keu gata di nanggroe nyang hana treble gata duek teuma.

Nibak uroenyoe gata jeuet tapiléh nyang get ngon nyang jeuhet, nyang udeb dan maté.

Bék gata tanyong lagéenyan, sabab peurintah nyan lumpah that rab ngon gata. Gata ka tateupeue dan hase gata apai nyan diluwa ulée, lé sababnyan, tinggai gata peubuet mantong.

Gata dan keuturonan gata teuma geubri até nyang leubeh patuh, sampoe gata tacinta ubak TUHAN Po teu Allah gata deungon sipeunoh até dan hase gata tinggai nibak nanggroe nyan.

TUHAN Po teu Allah gata teuma geupeujeuet banmandum useuha nyang gata peubuet jeuet keuhase; gata teuma tameu aneuëk nyang le meunan cit beulatang peulara gata meutamah le; lampôh ngon blang gata teuma geubri hase nyang meulimpah ruwah. TUHAN deungon mangat até Geuh geubri makmu keugata, lagée Gobnyan ka lheueh geujok keumakmuran nyan keu indatu gata.

Teuma meunyoe gata hana ta-taát dan hana teuma gatatem deungoe, dan tapeubiyeu droe gata jipeusisat mangat gata seumah ilah-ilah laén, pasti gata geupeubinasa, dan umu gatapi hana teuma panyang di nanggroe nyang hana treble gata duek nyan. Ingat kheueh! Hainyan ka ulôn bri tée ubak gata nibak uroenyoe.

Peurintah nyang ulôn bri nyoe keu gata hana that payah keugata dan meunan cit hana teuma jiôh that.

Teumpat jih bukon dilangét, sampoe gata tatanyong, ‘Soe nyang ék keudeh mangat jijak cok nyan keu geutanyoe, mangat geutanyoe hase ta deungoe dan ta-taát teuma?’

Teumpat jihnyan bukon di meurandeh laôt, sampoe gata tatanyong, ‘Soe nyang jak u meurandeh laôt mangat jijak cok nyan keu geutanyoe, mangat jeuet geutanyoe hase ta deungoe ngon ta-taát teuma?’