Popular Bible Verses from 2 Kwnɛtiɛ̌ 4

Share

Äa dlě le sìɛnsiɛn wùɛ ä poě i Nyesoaa noǎǒ ja bo ï slěe jejeɛ̌ wɔ̀, nɛ̀ se noǎà neɔɔ kmɔ̌ɔ mɔ̀ ï nyopò jěe. Noǎà nyu wɔ̀le je bɔ jěe ii gbàe se mǒ tmɔ, kɛɛ noǎà nyu slě wɔ̀ bɔ jěe nì moo kmɔ̌ siee noǎ.

Tèǒ nì kɔn tè äa wlè iǐ be wɔ̀ɔn kpe. Äa blǒ fǒo chɛ̀à ɛ wɛ̀ jleě, kɛɛ Nyesoa pe äa Sùsu jajlo měne chnɛ̀ jlǒ waě wùɛ mɔ̀. Äa sònwɛ jejeɛ̌ chěnchaěà ɛ se mǒ tmɔ ɛ̈à ä jěe kělɔ kmɔ̌ɔ mɔ̀, ɛ se dɛ mono ɛ seǒ kmɔ̌ siee tè jǐ boaboǎ fòɛǒ ɛ̈ nyee ämoo mǒ sìn.

Ä jě tǐ jakě fòfoa, kɛɛ iǐ sùe ä gbè kaǒ. Noǎ fòfoa nì kpɛ tùɔn keǒ ä mɔ̀ ï äǎ jboo le, kɛɛ äǎ nye i fɔ̌ keǒ bi du ä wan. Nyopò tè äa tè mɔ̀, kɛɛ Nyesoa seǒ ä bo si. U nu dɛ ɛ̌ sǐ ä mǒ bo chɔɔ, kɛɛ ä se gbè sùe.

Ämoà kɔnʼɔ Nyesoaa mǒ tèe dɛà äa tè se kma wòje bɛ jagbee dakǎ, ii tè ɛ pàe le chnɛ̀ ɛ̈ moo kpě wùɛ i sonwɛě mǒ Nyesoa mɔ̀ ɛ̈ se aa chɛ̀.

Kmɔ̌à ɛɛ dɛ kukǔu nyesoa ɔ̈ moo kǔ ɔ kan uu tè le jbojbɛɛ jǐ kɛn ɛ̈ di ɛɛ numa uǔ di pepěǒ sonwɛ lěe kàan tuposà mǒ jě ɛ̈ kwɛɛǒo Tentǎn Jǔu tè jǐ boaboǎ jleě mǒ bo Ɔ̈ wǒo Nyesoa je teěn teěn, ii tè uǔ po i kàan tè.

Mɛ̌oǒ joo nɛ̀ moo Nyesoaa doǒ Ɔ̈ nuaa pepě ɛ̌ fɔnaa klě kwijlě slè Nɔ̀ fɛn klě äa wlè jleě ɛ̈ nu ɛɛ ä kɔnʼɔ pepě ɛ̈ monoo Nyesoaa tè jǐ boaboǎa tè le jbojbɛ ɛ̈ fɛɛnʼǒo Jùsu Tentǎn Jǔ je.