Popular Bible Verses from Máfíò 13

Share

Ké ɓáá-ɖɛ̀-dyùàɔ̀ nyɔ ɓɛ́ ɖɛ-ɓá-nyɔ̀ɔ̀ mɛ́nɛ́ ma kà ɖé ɓóɖó bùɛ̀-bùɛ̀ɔ̀ múɛɛ mɔ̀ nyɔ ɓě ɓɛ́ wa wɔ̃́ bɔ̃̌ nɔ̀mɔ̀ dyíinɔ̀, ké wa wɔ̃́ɔ múin nyɛ. Ké bɔ̃̌ nɔ̀mɔ̀ dyíinɔ̀ zaìn dúún ɖé wa mú. Ɖíɛ́ ɓě zaìn dúún kpa hɔ̃dɛ̀ɖɛ̀ ɖò, ké ɖíɛ́ ɓě zaìn dúún kpa kpáɖá-nyɔ tã, ké ɖíɛ́ ɓě zaìn dúún kpa kpáɖá-nyɔ ɓaɖa-bùè.”

Ɓáá-ɖɛ̀-dyùàɔ̀ nyɔ kpáà wí-gbǎɔ̀ múɛɛ, ɔ mɔ̀ nyɔ ɓě ɓɛ́ wa wɔ̃́ bɔ̃̌ nɔ̀mɔ̀ dyíinɔ̀, kɛɛ wa poìn ɓóɖó-kpàà jè hwìɖǐi mìɔ, ké bã jè kpɔ̃ wa hwòɖǒ, ké ɔ hwɔìn wí ké ɔ taɓaìn bɔ̃̌ nɔ̀mɔ̀ dyíinɔ̀ dyi, ké wuɖuɔ̀ se ɖɛ ɖò nyu ɖé waà fɛ̀ɛ̀ɔ̀ múɛ.

Nyɔ ɖò dyi bɔ̃̌ ɓá Gèɖèpɔ́ɔ̀ kã́á-ɓòɖòɔ̀ jè dyíɛɛ wɔ̃́, ké ɔ seɛ múin wɔ̃́ ní, ɔ nì kà ɓáá-ɖɛ̀-dyùà ɓě wáɖáìn ma kà ɓó hwìèɔ̀ gbìǐ dyiɛɛ nìà kɛ. Ɖɛ-gbà-nyu-nyɔ̀ɔ̀ dyi, ké ɔ bǎ ɖɛ ɓɛ́ ɖɛ-ɓá-nyɔ̀ɔ̀ ɓá ma kà ɖé ɔ múɛ.

Ɓáá-ɖɛ̀-dyùàɔ̀ nyɔ kpáà ɓó sɔ́ɔ́-pìɔ̌ɔ̀ kɔ̃ɛɛ, ɔ mɔ̀ nyɔ ɓě ɓɛ́ wa wɔ̃́ bɔ̃̌ nɔ̀mɔ̀ dyíinɔ̀, ké wa kpá múàǔn, ké wa kpɔ̃ ɔ jè dyi wàɖà kɛ. Kɛɛ wuɖuɔ̀ se ɖé waà fɛ̀ɛ̀ɔ̀ mú kpá jɛ́ɛ́ cá. Wuɖuɔ̀ nyu ɖé wa mú ti xwã́ún-xwã́ún wè pū. Ti ɓɛ́ nyɔǔn ɓě dyéìn wa gǎ ɓó wuɖuɔ̀ jè kɛɛ, wa táà ɔ jè dyi wàɖà.

“Gèɖèpɔ́ɔ̀ kã́á-ɓòɖò nìà ɖé dyɔún wɛ̃ɛ nì kà bã-ɖɛ̀ ɓɛ́ wa vǐè ma ɖé geɖe ɖò gboɛɛ nìà kɛ. Gàa ɖò cɛ̃́ɛ ma dyi, ké ɔ wáɖáa ɖɛ kɔ̃in. Ɔ zi ma múàǔn kpáuń mìɔ. Ɔ jèɛɛ, ɔ mu, ké ɔ peɖe ma ɖɛ séín ɓɛ́ ɔ ɓéɖé kɛ, ké ɔ dɔ̃ ma geɖeɔ̀.

Ké ɓáá-ɖɛ̀-dyùàɔ̀ ɖíɛ́ ɓě kpá ɓóɖó bùɛ̀-bùɛ̀ mú, ké wa gbǎ ma kɔ̃́ɔ́, ké wa mɛ, ké wa zaìn dúún. Ɖíɛ́ ɓě tòɖò ma ɓo hɔ̃dɛ̀ɖɛ̀ ɖò, ké ɖíɛ́ ɓě tòɖò ma ɓo kpáɖá-nyɔ tã, ké ɖíɛ́ ɓě tòɖò ma ɓo kpáɖá-nyɔ ɓaɖa-bùè.

Wa sɔ̃́ɔ̀ mɛ ɓúá, ɓɛ́ hwítìɔ̀ cɛ̃-tìɔ̀ ké nyini hwɛ̀. Ké nìí, ní muɛ hwítì-cɛ̃-nyɔ̀ ɓěɔ̀ gbo cɛ̃ìn, ɓɛ́ ḿ ké níiń, “Ɓě zà pìǐɔ̀ kĩ́ín, ɓɛ́ ɓě ké wa pṹ sã, ɓɛ́ ɓě ké wa dyéɖé po. Sɔ̀ìn ɓóɛ gboɛɛ, nìí, ɓě mɛ poìn hwítì ɓěɔ̀ dyí, ɓɛ́ ɓě ké wa ɖé ní sáɖáɔ̀ mú po.” ’ ”