Popular Bible Verses from Máfíò 12

Share

“Ḿ cɛ̃ɛ ɓě gbo, zaa-wɔ̃-po-wèɔ̀ xwíníín nyɛɛ, nyɔǔn séín mu wuɖu fóɖóún séín ɓě ɓɛ́ wa ɖǎ ma cɛ̃ kɛɛ jè kɔ̃in zaìn. Sepóɛɖé ɓěɛ̀ wuɖu ɓěɔ̀ ɖé Gèɖèpɔ́ɔ̀ mu gbo mùìn, ɓɛ́ ɔ ké ɓěɛ̀ zaa wɔ̃ po, ɓɛ́ zaaɔ̀ ké ɓě dúún wáɖá, mɔɔ ɓɛ́ ɔ ké se ɓě dúún wáɖá.”

Ɓě mɔ̀à sɛɛ̀ dyú ɓěɛɛ, xwɛ̌ ɓě ɓɛ́ìn ɖɛ nɔ̀mɔ̀ dyíin ɖò cɛ̃ɛ kɛ́? Sepóɛɖé ɖɛ dyíìn ɖé nyɔ ɖò hwòɖǒ bũ̌in nyɛɛ, ɖéɛ̀ ɔ cɛ̃.

Nyɔ kɔ̃̀ kpeɖe nɔ̀mɔ̀ dyíin nyɛɛ dè ɔ kpeɖe nɔ̀mɔ̀ dyíinɔ̀ dyi kà nyɔ dèà ɖɛ ɖò dyiɛ. Ɔ jèɛɛ, ɔ nyu ɖɛ nɔ̀mɔ̀ dyíin nyɛ. Ké nyɔ kɔ̃̀ kpeɖe nyìnììn dyíin nyɛɛ dè ɔ kpeɖe nyìnììn dyíinɔ̀ dyi kà nyɔ dèà ɖɛ ɖò dyiɛ, ké ɔ nyu ɖɛ nyìnììn dyíin nyɛ.

Ɔ jèɛɛ, ḿ cɛ̃ɛ ɓě gbo, nàmàǔn séín ɓɛ́ nyɔǔn nyuɛ kè ɖɛ gbà séín ɓɛ́ nyɔǔn cɛ̃ kɛɛ jè ɓɛ́ìn Gèɖèpɔ́ɔ̀ hwìɖǐi hwɛ̀ɛ̀. Kɛɛ ɖɛ gbà ɓě ɓɛ́ nyɔǔn cɛ̃ Zùù Hwɛ̀ǐn-hwɛ̀ǐnɔ̀ kɔ̃ún wɛ̃ɛ jè se Gèɖèpɔ́ɔ̀ hwìɖǐi hwɛ̀ɛ̀ ɓɛ́ìn.

“Ɓě dyi cu-ɓò nɔ̀mɔ̀ kɔ̃in ɓéɖéɛ mɔ́ ní, nìí, cu-gɔ̃̀ɔ̀ mɛ nɔ̀mɔ̀ dyíin. Ɓě dyi cu-gɔ̃̀ nyìnììn dyíin ɓéɖé ní, nìí, ɔ ɓo nyìnììn kɔ̃in. Nyɔǔn dyuò cu dyí dyììn ɖé ɓo ɓɛ́ ɔ tòɖò kɛɛ mú.