Popular Bible Verses from Ɛ́séɖɔ̀ 20

Share

“Mɔ̄ mɔ̀ Bounɓo mɔ̀à ɓěɛ̀ Gèɖèpɔ́ɔ̀ kɛ̀. Mɔ̄ zà ma kà ɓě ɖé Íjè-ɓòɖò kɔ̃̀ kɔ̃ ɓě mɔ̀ ma kà gǐìɛ. “Ɔ jèɛɛ, ɓě ɖò ní ɖá ɓɛ́ ɓě ké gèɖèpɔ́ɔ̀ kà kò ɖò ɓéɖé, ɔ sèìn ḿ ɖòǔn.

“Ɓě ɖò ní ɖá ɓɛ́ ɓě ké kũùn-kpò ɓɛ́ ɔ kè ɖɛ ɖò nì ɖé dyɔɔ̀ dyíɛ mɔɔ ɓóɖó-kpàɔ̀ kɔ̃ɛ mɔɔ ɖé níɔ kɛɛ hwɔìn nyɛɛ ɖò nyu. Ɓě ɖò ní ɖá ɓɛ́ ɓě ké ɖɛ nì náa ɖò dyúa dú hwuɖu taɓa, hwɛ̀ ḿ po níiń, ɓě kéɛ ɓiè, sepóɛɖé mɔ̄ Bounɓo mɔ̀à ɓěɛ̀ Gèɖèpɔ́ɔ̀ kɛɛ, ḿ mɔ̀ hwɛ̀nɛ̌ Gèɖèpɔ́ɔ̀. Ní mu nyɔ ɓě ɓɛ́ wa nyɛ́ ḿ múɛɛ dyú ɓě gǎ kɔ̃ tòùn ɓó wa ɓǎ ɓěɛ̀ nàmàǔn ɓě jè, ɓɛ́ ɔ ké waà xwéɖé-dù deìn dúún tã kè hĩinyɛ dyɛ̀ìn.

“Dyé m̀ ɖe kè m̀ ɓǎ kpéín, nìí, ɓɛ́ m̀ ké ɓóɖó ɓɛ́ mɔ̄ Bounɓo mɔ̀à nì Gèɖèpɔ́ɔ̀ kɛɛ muà m̀ nyíìn nyɛɛ kɔ̃ hwèɖèìn.

“Ní fɔ̀-wèɔ̀ jè mɛ nì ɓě hwìɖǐi, ɓɛ́ ɓě kéɛ wáká po ɓó ḿ bìì.

“Ɓě ɖò ní ɖá ɓɛ́ ɓě ké mɔ̄ Bounɓo mɔ̀à ɓěɛ̀ Gèɖèpɔ́ɔ̀ kɛɛ nyɛ́nɛ́ɔ̀ jè pééín dyi nyùìn, sepóɛɖé ní mu nyɔ mɔ̀ nyɔ mu ní nyɛ́nɛ́ɔ̀ jè pééín dyi nyùìn nyɛɛ gǎ kɔ̃ tòùn wɛ̃́ɛ́.

Wé mɛ̀nɛ̌ìn-ɖò tɔ̀ɔ̀ ɓě nìà ɓó ɖeɛɛ xwíníín nyɛɛ, ɓě mɛ nyu ɓěɛ̀ kũ̀à séín ɓě, kɛɛ wéɔ̀ mɛ̀nɛ̌ìn-sɔ̃́ nììnɔ̀ mɔ̀ mɔ̄ Bounɓo mɔ̀à ɓěɛ̀ Gèɖèpɔ́ɔ̀ kɛɛ fɔ̀-wè. Ɓě ɖò mɛ ɓɔ́ kũ̀à ɖò nyuɛ ɓó wéa ɓaɖa, hwɛ̀ ḿ po níiń, ɓěɛ̀ dyú-gàà ɖò mɔɔ ɓěɛ̀ dyú-màà ɖò mɔɔ ɓěɛ̀ gbo-nì-gàà ɖò mɔɔ ɓěɛ̀ gbo-nì-màà ɖò mɔɔ ɓěɛ̀ nyúà-ɖɛ̀ ɖò mɔɔ ɖíà ɖò ɓɛ́ ɔ nì ɖé ɓěɛ̀ ɓóɖóɔ̀ kɔ̃ɛ.

“Ɓě ɖò ní ɖá ɓɛ́ ɓě mǔè ɖòɛ̀ kɔ̃̀ɔ̀-ɖɛ̀ɛ̀ kɔ̃̀-tò ké ɓě nyu. Ɔ hwɔìn kà ɓě mǔèɔ̀ gbǒ mɔɔ ɔ gmàà mɔɔ ɔ gbo-nì-gàà mɔɔ ɔ gbo-nì-màà mɔɔ ɔ ɓìɖǐ mɔɔ ɔ jǎkasì mɔɔ ɔ kɔ̃̀ɔ̀-ɖɛ̀ tɔ̀ɔ̀ ɓěɔ̀ ɖò.”

“Ɓě ɖò ní ɖá ɓɛ́ ɓě ké seɛ̀-zàse nyu ɓá ɓě mǔè ɖò dyí.

“Ɓě ɖò ní ɖá ɓɛ́ ɓě ké gmaɖe po.

“Ɓě ɖò ní ɖá ɓɛ́ ɓě ké kú ɖáɓá.

“Ɓě ɖò ní ɖá ɓɛ́ ɓě ké dyíɖí.