Popular Bible Verses from 1 Kɔ̀ɖéíntĩ̀ɔ̀ 2

Share

Kɛɛ Gèɖèpɔ́ɔ̀-cèè-ɖɛ̀ɔ̀ ɖá, “Ɖɛ ɓɛ́ dyéɖé séè dyé ɖòɛ kè ɖɛ ɓɛ́ ɖùǔ séè wɔ̃́ ɖòɛ, ɔ kè ɖɛ ɓɛ́ nyɔǔn hwòɖǒ séè hwìɖǐi poìn ɖòɛɛ wa mɔ̀ ɖɛ ɓě ɓɛ́ Gèɖèpɔ́ɔ̀ ɖǎ naɓaà ɓó nyɔ ɓě ɓɛ́ wa ɖɛ̀ɓɛ̀à ɔ múɛɛ bììɛ.”

Nyɔ mɔ̀ nyɔ ɓɛ́ ɔ seà Zùùɔ̀ ɓéɖéɛɛ, ɔ ní kpɔ̃ ɖɛ ɓá Gèɖèpɔ́ɔ̀ dyíɛɛ jè dyi. Wa mɔ̀ ɖɛ cá-cá ɖé ɔ gbo. Ɔ ní wɔ̃́ wa múin, sepóɛɖé nyɔ ɓěɔ̀ ɓéɖé ɓɛ́ wa ké wa múin gmɔìn dyììn ɖé Zùùɔ̀ mú.

Ɖɛ ɓěa kɛɛ, Gèɖèpɔ́ɔ̀ ɖǎ wa à dyí tɛ̀mɛ̀ìn dyììn ɖé ɔ Zùùɔ̀ mú. Sepóɛɖé Zùùɔ̀ gmɔìn ɖɛ séín múin, hwɛ̀ ḿ po níiń, ɖɛ ɓě nì Gèɖèpɔ́ɔ̀ hwòɖǒ bũ̌ vɛ̃in nyɛ.

Zùù nìà kɛɛ, ɖé Gèɖèpɔ́ɔ̀ nyí à. Ɔ se ɓóɖó-kpàà nììn zùù. Gèɖèpɔ́ɔ̀ nyí ɔ Zùùɔ̀ à, ɓɛ́ à ké ɖɛ ɓě ɓɛ́ Gèɖèpɔ́ɔ̀ kpeɖe nɔ̀mɔ̀ dyíinɔ̀ ɖǎ à nyíɛɛ dyí dyuò.

Ti ḿ nì ma wùɖùɛ̌n, ké ti ḿ nì ma zio poɛń nyɛɛ, ḿ se ma nyɔǔn hwòɖǒ-fɔ̀nɔ̀-wùɖù mú cáìn. Kɛɛ Zùùɔ̀ kpéɔ̀ mɔ̀ nyɔ zàà mú kà ɖɛ ḿ nì ma kà cɛ̃iń nyɛɛ mɔ̀ ma jǎà kɛ. Gèɖèpɔ́ɔ̀ nyuɛ náa ɓɛ́ ɓěɛ̀ hwìɖǐǐ-taɓa-taɓaɔ̀ ké se nyɔǔn-dyùɛ̀ hwòɖǒ-fɔ̀nɔ̀-fɔ̀nɔ̀ɔ̀ hwòɖǒ kɔ̃ dè, kɛɛ ɓɛ́ ɔ ké Gèɖèpɔ́ɔ̀ kpéɔ̀ hwòɖǒ kɔ̃ dè.