Popular Bible Verses from Romános 7

Share

Que yimécãre yipesudode cucha gajnarécho uje ujuya yu, enga ¡érãtique yiraja yátajasónique ome yu jõ! ¿Ama gosi chirame yu jne a? ome yibai ayoré toguébei tudé uje quique obiréjnai tu pitoringai, ome yate gajnaréngone úringane pipesucho. Jé ũré iji yáyipie udaque ga yẽra yu ome Dupade uru pirosobádode úringáringo pipesucho udore; jé basa ga yúringai ayoré jnutiminore udé e tẽra re ome darósõri uñai, uje pisijnaringuéone u, enga tagúome pisijnaringuéone uté etotiguei ujetiga chiroque yu. ¡Mu yacãre Dupade gai, uje Yocangarádejnai Jesucrísto adode u uje chirame yu ome yisijnaringuéone, jé aja yúringai ayoré udé josipiedie ome yu!

E pijoguipise ome yu uje que yátegoningá unátaque dépisiji yajei. Enga yojningai tu yúringai ayoré jnutiminore, uje que cucha onique déji uté. Enga obiréjna yuruode udojo úringane ũréo gu uje yúringai ayoré que juéga yu ome cucha arégode úringane pipesucho, uje yipota jóroga múñi.

Jecute que toc ujetiga yimate yu aja yipotigádode cucha omío. Uje yajéode upúsu ujetiga jé ca yipésu cucha gajnarétique marínga, cucha gajnaréngone udore u uje yajnera údi.

Enga jé upúsu yurúiso udore quigode: Ujetiga yipésu yetégode cucha udore, enga obiréjna uje que uyu u uje yipésu, mu pisijnaringuéone iji yajei upúsu uje sué yibai enga chiroque yu aja cucha gajnaréngone úringane pipesucho.

E yimo cucha dacate tocachui udé ome yu gatuaque: Uje e nimane yáyipie ome cucha arégode úringáringo pipesucho yui, mu páyipie gajnarénguenie iji yajei etotiguei cuse ome yu, ga chãraque yu ome yáyipie ueradedie gaidode cucha udore. Jé ũré uje yachietáji Dupade uru pirosobádode iji yáyipie ajépisi, ome yúringai ayoré icha.

Mu ujetiga ca yajéode upúsu ujetiga yipésu yate gajnaréngone udore, enga obiréjnapise uje jé ũré uje yo cucha ueradode iji Dupade uru pirosobádode udore ore.