Popular Bible Verses from Romános 4

Share

Que áyipie cho sebégome Dupade ingoméone cucha yúode, mu chidota re iji danguretigai, enga anguretigai quérã gaté. Enga jé u uje Abraham uté chisi Dupade gai ome úringai ingoningarãque, uje áyipie que chamurase Dupade ingoméone cucha udore. Jé ũré uje que potigayaquérique chimo Abraham ome Dupade ingoméone cucha yúode. Chiraja gu uje ujopı́erãque Dupade, ga que toque ujetiga ca chimate dachagájade darúo aja guesi, mu a tocade jnese jne.

Enga pijoque uje ũréo udojo gu uje jé péroji Dupade uté ichagájade darúo ome Abraham nanique, uje chósi te: "Ayorébujnane a ore cho daji ua jnese jne iji danire dipeséode udore iji erámi údode." Dupade upúsu uje chichaga udore aja Abraham yui, enga que Dupade ajéningapúsu darúrique. Enga Abraham angureni Dupade uté upúsu uje ujopı́erãque ga chiringare togode ga ore ecápo rı̃. Ga uté jé upo rı̃ uje chiroque cuchade aja dáringane tocachucho uje qué erã́ta yui.

Jesús uté u uje pẽrate nanique ome dáringai chuque iji yoquiyaridi ujetiga chimate yoquisijnaringuéone oré, enga piringarãque aja gaté iji quigade ome yocúringáringo ujñapetaque yui.

Ujetiga Abraham uté tangárirási dáringárique ayoré, enga a chárasu dangoroné ome Dupade ichagájade cucha yúode, ujetiga disı́rique tṍraji uté. Mu uje Dupade quene chichaga ape disi ejórigo aja yui, enga Abraham changuretapise uruode, ga que cha dangoroné ome yui gotique. Enga jé ũré uje Abraham chise dáringai punirı́sõre uásejna ore dai uté. Enga cucha dacadode udojo jé péropı́siji Dupade uruode ome Abraham ape disi ejórigo uje chojninga: "A jiépisi ore jne."

Jecute Dupade pésu ga yocajneque ingoméone cucha omío ome panguretigai uté. Gaidi tu gu ujetiga choqui guesi uje que tṍraji yocangoninguı́teguesáringane ome Moisés urusarane cucha puyácho udore, mu garani jé upúsu Dupade icaniratiguédatéi uté. Ome uté adi uté, ga Dupade chajo raja uje ingoméone cucha ome Abraham a chuságaja ájnape disi ejode jnese jne uje panguretigai déji ore. Enga qui tu uje que gusu ome Dupade anguresórone judı́o uyoque uje yajnángo Moisés urusarane cucha puyácho quigode, mu chapuse purása quedéjnane jnese aja to uje ore chirate Abraham aja anguretigai. Jecute yoco yocaji Abraham uté jnese ome yocanguretigai uté iji Dupade edominone.

"¡Pininaquei gajnesórone u udore uje e pinoningañaque ore isijnaringuéone iji, uje e pı̃rocho udore ate gajnaréngone jnese ga que dépoji páyipieraque rı̃! ¡Pininaquei gajnesṍri tu jnani uté gosi uje Pangarádejnai que chopo máranguiji uté rı̃!"

Jecute obiréjna uje que Dupade cho ayoré ujñapetáguiji uté ome ipesudode cucha. Chamáñaje Dupade uru cásodicáite chósi te ome Abraham: "Abraham changuretapise Dupade, jecute Dupade chopise ayoré ujñapetáguiji uté gu anguretigai."