Popular Bible Verses from Romános 2

Share

Ayoré ajirisṍri á, ¿ama ajos eti ajnimı́rase ua iji Dupade ujuyaquéode jmainie jne a? Báyipie qui jé u jórogu ujetiga apite ome Dupade ujuyaquei uté. Mu que togome ua, uje baba gajnéone cucha jé chopise bajirigode ayoré ore ate gajnaréngone gu. E bamo uje Dupade chingongara cutejmai dacaniratiguéode aja ua. Bamo uje uté chidota rome cuchade ga bajos eti ca Dupade ujuyaquei uté diji ua jne gu uje cáma tocade ujuyaquei. Jecute bo cucha bisidéguiji uté átegoningáne ome ua. ¿Ama jé ca adójnanga to a? uje Dupade chisı́ome piotiguei ome ua ujetiga écãre báyipiedie quigode ome basijnaringuéone udore quigode, jecute chingongara dacaniratiguéode, dajnoraquei ore aja ua.

Yirajágo uje jé tiógara ujetiga Dupade cho dajuñame erámi unirisórone ore ome ore ipesudode cucha gajnarécho udore. Mu uaque gosi a chojningárasa: "A jé ũré ua jõ. Omitigai turásu ujetiga Dupade cho dajuñame ayoré unejai uté, uje gajnareque adode gu." ¡Mu chimo jóroque re, uje bedugádi u ayoré unejai uté adode ome bajiritigade udore, uje uacaba gajnéone cucha cho ñane mu! Jecute máraque ua to, enga Dupade gajnepı́di turásu ujetiga cho dajuñame ua to.

¡Uje yoco ñane jnese iji Dupade iquei arı̃a! Ujetiga judı́o uyoque gosi, jeoga purása unejaque uyoque gosi, mu ũrepise Dupade ome ajiritigade uje chajire yocadode aja quigode jnese.

Obiréjna arı̃a uje Dupade que cho ayoré ujñapetáguiji gosode uje cachi ore chudute Moisés urusarane bisideque. Mu Dupade a cho ayoré ujñapetáguiji udore ore jne uje angoninguite guesaque ore ga ore dopı́si uruode udore quigode jnese.

Iji Dupade ojningai jogapi dire uté, enga a cho oré erámi unirisórone, yoquipesudode cucha jnese. Enga oredie a jé chirate ayoré chojmara, chojmarane ipesudode cucha jne. Jetiga gajnareque gosi ipesudode ga gajnarénguei oredie. Jé basa ga ueracho gosi ipesudode ga ueradei oredie ome.

¿Mu Dupade cho ringome gosode uje ore chosi riji gaté, ga ore áyipie jé jogate re? Dupade cho júruru ome ore, arı̃a. Uje ore cho cusu, cusúgome cucha uréone gu, jé aja uje uajate ore iji date gajnaréngone. Enga a quene ore chimo oré jne ome re, mu gajnarengue oredie, enga Dupade ujuyaquédatéi jé u. Enga ujuyaquei ome ore a jé ca chajire rome ore jne.

Mu betéquetı́ écãre báyipie quitique ome basijnaringuéone udore, enga jecucha bacusu ua. Ga jé babo bate gajnaréngone údi, údi, ga bañerane cucha jé u Dupade ujuyaquéode ome ua aja uté ojningai dire yui. Enga diri tuté upúsu uje Dupade a chõre dajuyaquéode ome ua jne. ¡Iji Dupade ájningadatéi tocachúringai dire uté jne, enga jé u uje uté ajiritı́ga uréone ome erámi unirisórone jnese a choquipı́siji guesi jne!