Popular Bible Verses from Números 14

Share

Mu angáchoi Yocangarádejnai inejequéode to uje a chorei yóguiji uté to jne, enga ca acho uté uruode aja. Ga boyo, yicagóji ojningai tuté punire ueradéjna to. Enga ca atodóyo cananéogosode ore to. A ore cho arureque parorigode ome yoque to dirome, ga a cho jetiga yajo ore ga jĩraque yejnángo ore dirome. Chamáñaje que ore irotangónique cucha cuse to, jé basa uyoque ga yoquirotangóri u Dupa uecai to. Ayáyo uacasadodéringadatéi uté to, enga yicome ore yui to.

Uje bojningame yoque nanique: 'Yetéquetí yo júruru ga jiépisi yijnoraquéode ome ayoréode ore jnese. Yiraja uje ore tagu yuruode aja, mu a ore chajni yibai ga jĩraque yĩro ore isijnaringuéone to. Ga jĩraque yiraja ate gajnarétique iji ore ujade enga uté gosi a u to jne jeta jĩraque yo yujuñame gosi to. Enga a ca gusu yujuyaquéode ome uté gosi mu a jé chise ape gatérigo ore to jnese jne.'

Dupade ajegaite yoque diríca, enga ¿ama ca nonarása yógaja dojningai punire ueradéjna uté to a? ¿Enga ama ca chisirásome yoque to jne a? Cachi Dupade jnari israélgosode yógome ore uniri uté to uje ueradípise diríca, enga ore gachidedie aquirájnai ijnanie tamutája jnumone ga gose cutejmai jnacaraque ijoréjna diríca. Jé cho cutérone iji to diríca enga tamutája jnumone to iji dedodie to diríca.

Mu yiroi Caleb jé cãraque re iji dojode jnani ujade to. Uje tangaripísi yuruode to. Jecute yojningai punire ueradéjna guesája yui ome uté to. Uje chísome dáringai guidai diríca enga a chisápo to jne rĩ. Ga jé jogadi tu jeta chopise daniri iji to jne, jé aja ape disi ejode ore iji uté quigáningo to.

Mu boyo ga angoñopísa yuruode aja ore to ga ojnichome ore: "Yocangarádejnai dopísi daruode ome cuchade enga chósi tome uaque: 'Que anguretáyo yu to jecute uacatodóyo cuchade jnese. Jecute a yujuéga uágome uacatódode cucha to, ga a ore tocade jnese jne, ga uacaruode udore chajni uacabáyode to jne. Uje Dupa ueca yu ga que yuruode toja to.'

Ga Dupade narare ga chojningame Moisés: –Yachopise israélgosode ore ichietabáitigade ome yu to. Yipesútedatéode e jiépisi ome ore uje jecucha ga yetingare yu ome ore, mu jé ate uje ore dojnóngaja yu to ga ore chotigase yuruode quigode to.

Uje dire uñai nanique ga ore pojna Moisés, Aarón ore údode to ga ore chojninga: "Omi turásu jeta jé yácagoji Egípto to ica enga yichagorása yocódedie aja to jne. Jeoga yichago yocódedie aja erãpetarei udé ajénigo.

Jé chopome guidai casodé ore to rĩ uje ore íode u Caleb, Josué ore. Áyuguhebátaque ore to ga ore doi daguidedie ga ore chajnangarase iji daróbedie ga imoi tu uje ore jnusipísi jórogui darasade ome Dupade guerani punire ueradéjna to. Ga ore chejnapúsu daruode ome darasade ore ga ore chojninga: –Yoquimone cucha iji Canaán údode ueradéjnapíso jnese diríca.

Que potigayaquérique déji uje Dupa ueca yu. Ga que potigayaquérique dépoji to rĩ uje yingoningájnai chĩreta yipesudode puníño udore ore jnese iji erámi údode jnese. Enga que potigayagápo yurúrique rĩ, uje yĩrarare enga jecucha yuruode tocade. Jecute uje yãraque yojningai punire ueradéjna ome ore ga que potigayaquérique déji yuruode udore to, enga a ca ore chisípise yojningai tuté punire jne. Yojningane u israélgosode ore uje ore pañaji yipesútedatéode iji egíptogosode ore uniri ica uje yijnime ore iji egíptogosode ore jmainie ica, jé aja yipesútedatéode to uje yipésu iji de erãpetarei udé ajei. Ore chimo to mu ore dojnóngaja yipesudode udore ore jnese. Ore u uje ore pañapísiji yingoningájnai mu ore cho cucha bisidéguiji, enga ore pésu yujuredie gatuaque to iji erãpetarei udé ajei. Que ore áyipieraque dépisi yuruode úringáringo pipesucho to enga ore tagu yuruode aja gatuaque to. Jecute a ca udore uñeque chimópise yojningai punire ueradéjnapise uje yingome ore dayode nanique iji taningapísi. Ore dojnóngaja yu gu, ga a ca ore chimópise puniri uté úringai ueradéjnapise ome dedodie to jne.