Ga David catecã́ri daroguipísode ore, Abisai ore ga chojninga:
–Yabipísi casé a pota yúringárique chuque, jétapũré benjamíngosi uté, uje eduguéjna Saúl gãrapíode u benjamíngosode udore ore to. Jé dóji ga ore cho darúja yoc. A Pangarádejnai u jne jeta jé doi dasocáringome cuchade udore jnese.–
David chojninga:
–Yo paráguiji yáyuguhebátigade udore jmainie, ga yirote jeta Pangarádejnai Dupade chajuque yajnéone pacacáninga gajnarécho udore iji yibai, ga jé u ujetiga chiroque yajnetígo ore acacáninga omío ome yu to.