Popular Bible Verses from VHAFILIPI 1

Share

Nahone ndi na ngoho ya uri Mudzimu Ene we a thoma hoyo mushumo muvhuya ngeo, u ḓo u endedza wa vhuya wa ṱhaphuwa nga ḓuvha ḽine Khristo Yesu a ḓo vhuya ngaḽo.

Tshine nda ni humbelela thabeloni yanga ndi uri lufuno lwaṋu lu ḓi hula lu tshi ya, ni vhe na ṱhalukanyo vhukuma ya u nanguludza zwine zwa vha zwone, uri ni kone u khethekanya zwihulwane na zwiṱuku. Ndi hone Khristo a tshi ḓo ri a tshi vhuya a wana ni songo ḓishata tshika, ni sa solisei

Kha nṋe vhutshilo ndi Khristo; zwenezwo u fa ndi u bindula.

A thi koni u ni humbula nda sa livhuhe Mudzimu wanga.

Zwino tshihulwane tshilani lwo fanelaho mafhungo maḓifha a Khristo. Ndi hone ni tshi ḓo ima no khwaṱha ni na muya muthihi na mbilu nthihi ni tshi farisana kha nndwa ya u lwela uri vhathu vha tende mafhungo maḓifha. Arali nda swika henefho nga tsha vhukoma kha ndi wane ni tshi kha ḓi zwi ita; nangwe nda kundwa u swika, kha ndi pfe zwenezwo.

Ndo lavhelela ndo tou ṱulutshela uri a thi nga shoni na kathihi, zwoṱhe zwine nda vha zwone zwi ḓo ita uri Khristo a rendwe. Unga tsha kale na kale ndo vha ndi tshi ḓi ita uri a rendwe, kana ndi a tshila, kana ndi a fa, ndi ḓo ḓi ita uri a rendwe.

ngauri Mudzimu o ni ṋea mashudu a u kona u shumela Khristo, hu si nga u mu fulufhela fhedzi – na u tambudzelwa Ene a kha ḓi vha mashudu.