Popular Bible Verses from VHAGALATA 6

Share

Zwino-ha vha hashu, kha ri tou fungelela u ita zwivhuya ri sa neti, ndi hone ri tshi ḓo kaṋa nga tshifhinga tsho fanelaho.

Zwenezwo tshifhinga tshine ra tshi wana kha ri tonde vhoṱhe, zwihulu vhatendi nga riṋe.

Farisanani nga u angulana mihwalo, ngauralo hu ḓo vha u khunyeledza mulayo wa Khristo.

Ni songo ḓifhura: Mudzimu ha tambiwi ngae. Muthu u kaṋa tshenetsho tshine a zwala.

Arali a zwala nyemulo dza tsiko yawe, u kaṋa lufu; hone arali a zwala zwa Muya Mukhethwa u kaṋa vhutshilo vhu sa gumi.

Vha hashu, arali muṅwe waṋu a tshenuwa o khakha, inwi vhane na langiwa nga Muya mu khuthadzeni; huno ni tshi ralo ni zwi ite nó vuḓa nó thanya uri ni si khakhe-vho.

Arali hu na muṅwe ane a ḓiḓivha ngeno e si tshithu, onoyo u a ḓifhura. Muṅwe na muṅwe kha a sedze zwine a ita; arali a wana o ita zwone, a konou ḓikhoḓela zwe ene muṋe a shuma, a sa zwi vhambedzi na zwo shuṅwaho nga muṅwe. Muṅwe na muṅwe u ḓo ḓifhindulela ene muṋe.