Popular Bible Verses from VHAGALATA 5

Share

Hone mutshelo wa Muya ndi lufuno na dakalo na mulalo na u sa fhela mbilu na vhulenda na vhuthu na u fulufhedzea na u vuḓa na u ḓifara. A hu na mulayo une wa lwa na zwenezwo.

Ndi tshi ralo ndi ri: inwi tshimbidzwani nga Muya, ndi hone ni sa ḓo ita zwi funwaho nga tsiko yaṋu ya kale.

Muya ndi Ene o ri ṋeaho vhutshilo; kha a vhe Ene-ha ane a ri langa.

Huno vha re vha Khristo Yesu vho vhulaha tshiko yavho ya kale, na zwine ya tama na dzinyemulo dzayo, nga u i vhamba tshifhambanoni.

Zwine tsiko ya muthu ya ita zwi khagala: ndi vhupombwe, ndi vhuaḓa, ndi vhuḓabaḓaba, ndi u rerelela midzimu, ndi manditi, ndi vhuswina, ndi dziphambano, ndi vivho, ndi mbiti, ndi tseḓa, ndi u fhandekana ha bva zwigwada, ndi u vhivhana, ndi u nwa na u ḽela vhuḓabaḓaba na zwi ngaho zwenezwo. Ndo no ḓi ni vhudza, zwino ndi khou dovha ndi ri ni vhone: vhane vha ita zwo raloho a vha nga vhi na tshavho muvhusoni wa Mudzimu.

Vha hashu, a vha inwi no vhidzelwa u vha vho vhofholowaho. Tenda iyo mbofholowo yaṋu i sa ḓo vha swiswimbadise na vho ḓo tevhela zwa nyemulo dzaṋu, tshaṋu nga hu vhe u shumelana nge na funana.

Zwine tsiko ya muthu ya zwi funa a zwi anḓani na zwi funwaho nga Muya; hu ḓi nga zwi funwaho nga Ene Muya zwi sa anḓani na zwi funwaho nga tsiko ya muthu. Hezwi zwivhili a zwi anḓani, zwine zwa amba uri ni nga si sokou ita zwine na funa.

Hufha Mulayo woṱhe wo angaredzwa nga ndaela hei nthihi i no ri, “Funa vhaṅwe unga iwe muṋe.”

Ri songo ṱonga kana ra sinyusana kana ra vhengana.

Khristo o ri vhofholola ra vhofholowa tshoṱhe. Imani-ha no khwaṱha, ni si tende u dovha na hweswa muhwalo wa vhupuli.