Popular Bible Verses from VHAEFESA 6

Share

Hafhu maswina ane ra lwa nao a si vhathu vha ṋama, ndi vhahulwane vha thuṅwa na vhalangi vhadzo, ndi vhavhusi vha misi ino ya swiswi, ndi mimuya mivhi i re tshikhalani.

Zwoṱhe hezwo zwi humbeleni nga thabelo. Dzulani ni tshi rabela ni tshi endedzwa nga Muya Mukhethwa. Zwenezwo dzulani no fhaṱuwa ni sa neti, ni tshi rabelela vhakhethwa vhoṱhe vha Mudzimu

Kungelani mafumo oṱhe a bvaho ha Mudzimu uri ni ḓo kona u kunda vhukwila ha diabolo.

Ndi zwine nda ri: zwino kungelani-ha mafumo oṱhe a Mudzimu. Ndi hone ni tshi ḓo kona u imedzana na muvhi nga musi muvhi, ha ḓo ri nó fhedza u lwa na ḓi vha no ima.

lutendo lu tshone tshiṱangu tshine na enda no tshi fara; ndi lwone lune na ḓo kona u dzima ngalwo misevhe yoṱhe i dugaho ine muvhi a ni posa ngayo. Dzhiani u tshidzwa haṋu nga Mudzimu i vhe yone nguwane yaṋu; ni fare pfumo ḽa Muya Mukhethwa ḽine ḽa vha ipfi ḽa Mudzimu.

Imani-ha no khwaṱha, ngoho i yone bannda ye na ḓivhofha ngayo khunduni, khanani no ambara philelo ya tsimbi ine ya vha u ita zwo tiwaho nga Mudzimu, zwienda zwaṋu hu u ḓiimisela u yo ḓivhadza mafhungo maḓifha a mulalo

Ndi fhedza nga ḽa uri: ḓitikeni nga Muṋe washu na nga maanḓa awe mahulu.

Mulayo u tshi ri, “Hulisa khotsi au na mme au,” ndi yone ndaela ya u ranga i re na zwine ya ri fulufhedzisa, i tshi ri, “ndi hone zwoṱhe zwi tshi ḓo u nakela, wa ita na u lalama fhano shangoni.”

Inwi vhana, vhunga ni vha Muṋe washu, thetshelesani vhabebi vhaṋu. Ndi zwone zwo fanelaho.